സ്ത്രീകള് ഇറുങ്ങിയ വസ്ത്രങ്ങളും പുരുഷന്മാര് ഷോര്ട്സും ധരിക്കരുത്; പുതിയ ഡ്രസ് കോഡുമായി സൗദിയ എയര്ലൈന്സ്; വിവാദം കത്തുന്നു
കര്ശനമായ വസ്ത്രധാരണ നവ്യവസ്ഥകളുമായി സൗദിയ എയര്ലൈന്സ്. മറ്റുള്ളവര്ക്ക് ബുദ്ധിമുട്ടുണ്ടാക്കുന്നതോ പ്രകോപനമായതോ ആയ വസ്ത്രങ്ങള് ധരിക്കരുതെന്നാണ് സൗദി എയര്ലൈന്സ് യാത്രക്കാര്ക്കായി പുറപ്പെടുവിച്ച പുതിയ നിര്ദേശത്തില് പറയുന്നത്.
ഇറുങ്ങിയതും നേരിയതും പാടില്ല
സ്ത്രീകളുടെ കാലുകളും കൈകളും പുറത്തുകാണുന്ന രീതിയിലുള്ള വസ്ത്രങ്ങള് പാടില്ല, ലെഗ്ഗിന്സ് പോലുള്ള ഇറുങ്ങിയതോ ശരീരഭാഗങ്ങള് കാണും വിധം നേര്ത്തതോ ആയ വസ്ത്രങ്ങള് ധരിക്കരുത് തുടങ്ങിയവയാണ് നിര്ദേശങ്ങള്.
നിയന്ത്രണം പുരുഷന്മാര്ക്കും
പുരുഷന്മാര്ക്കുമുണ്ട് വസ്ത്രധാരണത്തില് നിയന്ത്രണങ്ങള്. മറ്റുള്ളവരെ ആകര്ഷിക്കുന്നതും കാലുകളും ശരീരഭാഗങ്ങളും പുറത്തുകാണും വിധമുള്ള ഷോര്ട്സ് പോലുള്ളവയും ധരിക്കരുതെന്നാണ് നിര്ദേശം.
ഡ്രസ് കോഡ് പാലിച്ചില്ലെങ്കില് യാത്ര മുടങ്ങും
ഡ്രസ് കോഡിന് എതിരായ വസ്ത്രങ്ങള് ധരിക്കുന്നവരുടെ യാത്ര മുടങ്ങുമെന്ന് എയര്ലൈന്സ് പുറത്തിറക്കിയ കുറിപ്പില് പ്രത്യേകം വ്യക്തമാക്കുന്നുണ്ട്. ഇത്തരക്കാരെ വിമാനത്തില് കയറാന് അനുവദിക്കില്ല. വിമാനത്തിന് അകത്തുവച്ച് നിയമലംഘനം ശ്രദ്ധയില്പ്പെട്ടാല് പുറത്താക്കാന് മടിക്കില്ലെന്നും അധികൃതര് വ്യക്തമാക്കുന്നു.
ഡ്രസ് കോഡ് സ്വാഭാവികമെന്ന് അധികൃതര്
സൗദിയ എയര്ലൈന്സിന്റെ വസ്ത്രധാരണ നിയമവുമായി ബന്ധപ്പെട്ട മാധ്യമ പ്രവര്ത്തകന്റെ ചോദ്യത്തിന് ടൂറിസം വകുപ്പിന്റെ മുന് തലവന് പറഞ്ഞതിങ്ങനെ- ഈ ഡ്രെസ് കോഡില് പ്രത്യേകിച്ച് പുതുമയൊന്നുമില്ല. ഏതെങ്കിലും ഒരു എയര്ലൈന്സിന് മാത്രം ബാധകമായതല്ല ഇവ. ഓരോ വിമാനക്കമ്പനിക്കും അതിന്റേതായ വ്യത്യസ്ത വസ്ത്രധാരണ നിയമങ്ങളുണ്ടാവുക സ്വാഭാവികം മാത്രം.
സോഷ്യല് മീഡിയയില് വിവാദം
സംഭവം സൗദിയിലുള്പ്പെടെ സോഷ്യല് മീഡിയയില് വലിയ വിവാദമായിക്കഴിഞ്ഞു. പുതിയ നിര്ദേശങ്ങളെ അനുകൂലിച്ചും എതിര്ത്തും ട്വിറ്റര് സന്ദേശങ്ങളുമായി നിരവധി പേര് രംഗത്തെത്തി. #SaudiaAirlines എന്ന ഹാഷ്ടാഗിലാണ് വിവാദം കത്തിപ്പടരുന്നത്. മദ്യം നിരോധിച്ച നടപടി പോലെ സ്വാഗതാര്ഹമാണ് ഇതെന്നാണ് ചിലരുടെ അഭിപ്രായം. എന്നാല് യാത്രക്കാരുടെ വസ്ത്രധാരണത്തില് ഇടപെടാന് എയര്ലൈന്സിന് അധികാരമില്ലെന്നാണ് മറുവാദം. എയര്ലൈന്സിലെ യാത്രക്കാര് എല്ലാം മുസ്ലിംകളല്ല. ഇത് പ്രശ്നങ്ങളുണ്ടാക്കുമെന്നായിരുന്നു പ്രതികരണങ്ങളിലൊന്ന്. ഈ നിയമം എല്ലാവര്ക്കും ബാധകമാണെങ്കില് എയര് ഹോസ്റ്റസുമാരും അബായ ധരിക്കുമോ എന്നും ചോദ്യമുയര്ന്നു. നിര്ദേശങ്ങള്ക്കെതിരായ വസ്ത്രം ധരിച്ചുവരുന്നവര്ക്ക് പകരം ധരിക്കാന് വസ്ത്രം നല്കുമോ എന്നായിരുന്നു ഇതുമായി ബന്ധപ്പെട്ട് വന്ന മറ്റൊരു പ്രതികരണം.
-
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
'മമ്മൂട്ടി ഒരു അൽപനാണ്..വയനാട് ദുരന്തം നടക്കുമ്പോൾ നിങ്ങൾ എവിടെ ആയിരുന്നു';രൂക്ഷവിമർശനം -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
സുനില് കുമാറിന് പകരം ജയരാജ് വാര്യര്? പത്മജ വേണുഗോപാലിനെതിരെ ഇറങ്ങിയേക്കും, കോണ്ഗ്രസിനാര് -
ഡോളറിന് അടിതെറ്റുന്നു.. പൊന്ന് കയറി; സര്വകാല റെക്കോഡിലേക്ക് 19000 രൂപ മാത്രം പിന്നില് സ്വര്ണം -
പാലക്കാട് ബിജെപിയിൽ 'കല്ലുകടി'; ശോഭ സുരേന്ദ്രന്റെ വരവിൽ അതൃപ്തിയുമായി ജില്ലാ അധ്യക്ഷൻ, -
മമ്മൂട്ടിയെ തെറി വിളിക്കുന്നവർ അറിയൻ; കട്ട് മുടിച്ചിട്ടാണ് ഔദാര്യമെന്ന പ്രചാരണം; അഖിൽ മാരാർ -
മമ്മൂക്കയുടെ ഉള്ളിൽ മൈക്കിളപ്പനോ സേതുരാമയ്യറോയെന്ന് ആർക്കറിയാം';നടി സരിത -
സ്വര്ണം വാങ്ങിയവര്ക്ക് പേടി വേണ്ട... ഇറാന്-യുഎസ് യുദ്ധം അവസാനിച്ചാലും വില കൂടും! കാരണമിത്
Click it and Unblock the Notifications
Sign in with Google