Click it and Unblock the Notifications
Just In
Don't Miss
-
ഫോർഡ് മുസ്താങ്ങിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
നീ സിനിമയില് പോയാല് ഞാന് മരിക്കും എന്ന് അച്ഛന്; പെണ്കുട്ടികള്ക്ക് സുരക്ഷിതമല്ലെന്ന് കരുതി -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ -
900 വര്ഷം പഴക്കമുള്ള മമ്മി, 1000 തൂണുകളുള്ള ഹാള്; അത്ഭുതം ഈ രംഗനാഥസ്വാമി ക്ഷേത്രം -
സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം
സിപിഎം നേതാവ് ആര്‍ ഉമാനാഥ് അന്തരിച്ചു
ട്രിച്ചി: സിപിമ്മിന്റെ പ്രമുഖ നേതാവും മലയാളിയും ആയ ആര്‍ ഉമാനാഥ് അന്തരിച്ചു. 92 വയസ്സായിരുന്നു. സിപിഎം മുന്‍ പോളിറ്റ് ബ്യൂറോ അംഗമായിരുന്നു ഉമാനാഥ്. ജനിച്ചത് കേരളത്തിലായിരുന്നെങ്കിലും പ്രധാന പ്രവര്‍ത്തന മേഖല തമിഴ്‌നാടായിരുന്നു.
1922 ല്‍ കാസര്‍കോട് ജില്ലിയില്‍ കര്‍ണാടക അതിര്‍ത്തിയിലാണ് ജനനം. പിന്നീട് തലശ്ശേരിയിലേക്കും കോഴിക്കോട്ടേക്കും താമസം മാറി. മലബാര്‍ ക്രിസ്ത്യന്‍ കോളേജില്‍ നിന്ന് ഇന്റര്‍മീഡിയറ്റ് പഠനം പൂര്‍ത്തിയാക്കി ഉപരിപഠനത്തിനായി തമിഴ്‌നാട്ടിലേക്ക് പോയി. അന്നുമുതല്‍ തമിഴ്‌നാട് കേന്ദ്രീകരിച്ചാണ് പ്രവര്‍ത്തനം.
നാഗപട്ടണത്ത് നിന്ന് രണ്ട് തവണ അദ്ദേഹം എംഎല്‍എ ആയി തിരഞ്ഞെടുക്കപ്പെട്ടിട്ടുണ്ട്. മൂന്നാം ലോക്‌സഭയിലും നാലാം ലോക്‌സഭയിലും പുതുക്കോട്ടയില്‍ നിന്നുള്ള കമ്യൂണിസ്റ്റ് അംഗമായിരുന്നു ആര്‍ ഉമാനാഥ്. സിപിഎം തമിഴ്‌നാട് ഘടകത്തിന്റെ സംസ്ഥാന സെക്രട്ടറിയായും പ്രവര്‍ത്തിച്ചിട്ടുണ്ട്.
ട്രേഡ് യൂണിയന്‍ പ്രസ്ഥാനത്തിന്റെ അനിഷേധ്യ നേതാക്കളില്‍ ഒരാളായിരുന്നു അദ്ദേഹം. സിഐടിയുവിന്റെ ദേശീയ നേതൃത്വത്തില്‍ അദ്ദേഹം ഉണ്ടായിരുന്നു. എകെജിയുടെ ശിക്ഷണത്തിലായിരുന്നു രാഷ്ട്രീയ പ്രവേശനം. ട്രിച്ചിയില്‍ തൊഴിലാളി സംഘടന കെട്ടിപ്പടുത്താണ് ട്രേഡ് യൂണിയനിസത്തിന്റെ തുടക്കം. 1940 മദ്രാസ് ഗൂഢാലോചന കേസില്‍ ഉമാനാഥ് അറസ്റ്റ് ചെയ്യപ്പെട്ടിട്ടുണ്ട്.
പാര്‍ട്ടി കുടുംബമാണ് ഉമാനാഥിന്റേത്. ഭാര്യ പാപ്പ ഉമാനാഥ് പാര്‍ട്ടിയുടെ കേന്ദ്ര കമ്മിറ്റി അംഗമായിരുന്നു. 2010 ല്‍ പാപ്പ ഉമാനാഥ് അന്തരിച്ചു. ജനാധിപത്യമഹിള അസ്സോസിയേഷന്റെ സ്ഥാപക നേതാക്കളില്‍ ഒരാളായിരുന്നു ഇവര്‍. ഉമാനാഥിന്റേയും പാപ്പയുടേയും മകള്‍ യു വാസുകി ഇപ്പോള്‍ സിപിഎം കേന്ദ്ര കമ്മിറ്റി അംഗമാണ്.
