Click it and Unblock the Notifications
Just In
Don't Miss
-
IPL 2024: ടീം ആലോചിച്ചത് ബദോനിയെ, ഹൂഡ മതിയെന്ന് രാഹുല്; കളി ജയിപ്പിച്ച തീരുമാനം ഇതാ -
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?' -
കാശിയും അയോധ്യയും കണ്ടുവരാം.. കേരളത്തിൽ നിന്ന് ഭാരത് ഗൗരവ് ടൂറിസ്റ്റ് ട്രെയിനിൽ ചെലവ് കുറഞ്ഞ യാത്ര -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
നടി ശ്രീലതാ മേനോന്‍ അന്തരിച്ചു
തിരുവനന്തപുരം: ഏറെ നാളായി തിരുവനന്തപുരം മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്ന നടി ശ്രീലതാ മേനോന്‍(47) അന്തരിച്ചു. അസ്ഥികള്‍ പൊടിഞ്ഞുപോകുന്ന അപൂര്‍വ രോഗത്തിനിരയായിരുന്ന അവര്‍ക്ക് പിന്നീട് കാഴ്ചയും നഷ്ടപ്പെട്ടിരുന്നു. രോഗം തളര്‍ത്തിയ ശ്രീലത വര്‍ഷങ്ങളായി കിടപ്പിലായിരുന്നു.
തിരുവനന്തപുരം കുന്നുകുഴി വടയക്കാട് മടവിളാകം തറവാട്ടില്‍ റിട്ട. തഹസില്‍ദാര്‍ നാരായണ മേനോന്റെയും ഖാദിബോര്‍ഡ് റിട്ട. സൂപ്രണ്ട് ഭവാനിയുടെയും മകളാണ് ശ്രീലത മേനോന്‍. 1985ല്‍ മിസ് ട്രിവാന്‍ഡ്രമായി തിരഞ്ഞെടുക്കപ്പെട്ട ശ്രീലത 1989ലാണു സിനിമാരംഗത്തേക്കു കടന്നുവന്നത്. പെരുന്തച്ചന്‍, അര്‍ഹത, ദിനരാത്രങ്ങള്‍, കേളി തുടങ്ങിയവയാണ് അവരുടെ പ്രശസ്ത ചിത്രങ്ങള്‍. ഇരുനൂറോളം സീരിയലുകളില്‍ അഭിനയിച്ചിട്ടുണ്ട്.
വീഥി, ശ്രീകൃഷ്ണന്‍, അമ്മ തുടങ്ങിയവയാണ് പ്രധാന സീരിയലുകള്‍. ഇതിനെന്തു ഹേതു എന്ന സീരിയലില്‍ പ്രേംകുമാറിന്റെ നായികയായിട്ടായിരുന്നു അഭിനയിച്ചത്. റിഗാറ്റ, നൂപുര എന്നിവിടങ്ങളില്‍നിന്നും നൃത്തമഭ്യസിച്ച ശ്രീലത അഞ്ഞൂറോളം സ്‌റ്റേജുകളില്‍ നൃത്തപരിപാടി അവതരിപ്പിച്ചിട്ടുണ്ട്.
ഏഴു വര്‍ഷം മുമ്പ് ഭര്‍ത്താവ് കെ.എസ്. മധു രക്താര്‍ബുദം ബാധിച്ചു മരിച്ചു. മധുവിന്റെ ചികിത്സയ്ക്കുവേണ്ടി കടക്കെണിയിലായ കുടുംബത്തിനുവേണ്ടി വേദന കടിച്ചമര്‍ത്തി ശ്രീലത സിനിമ സീരിയല്‍ അഭിനയം തുടരുകയായിരുന്നു. പിന്നീട് ഇരുകണ്ണുകളുടേയും കാഴ്ചശക്തി നഷ്ടപ്പെട്ട അവരെ അധികകാലം അഭിനയം തുടരാന്‍ രോഗം അനുവദിച്ചില്ല. അര്‍ജുന്‍, ആദി, അരവിന്ദ് എന്നിവരാണ് മക്കള്‍.
