കാരുണ്യത്തിന്റെ ആതുരാലയം 'സഹായി ഡയാലിസിസ് സെന്റര്' ജൂലൈയില് പ്രവര്ത്തനമാരംഭിക്കും
ദുബായ്: കോഴിക്കോട് മെഡിക്കല് കോളജ് ആസ്ഥാനമായി പ്രവര്ത്തിക്കുന്ന സഹായി വാദിസലാമിന്റെ കീഴില് പണി പൂര്ത്തിയാക്കുന്ന ഡയാലിസിസ് സെന്റര് ജുലൈയില് പ്രവര്ത്തനമാരംഭിക്കുമെന്ന് ഭാരവാഹികള് വാര്ത്താസമ്മേളനത്തില് അറിയിച്ചു. കോഴിക്കോട് പൂനൂര് ആശുപത്രിക്ക് സമീപമാണ് ഒരു കോടി രൂപ ചെലവില് 10 ഡയാലിസിസ് യൂണിറ്റുകളാണ് സ്ഥാപിക്കുന്നത്.
ജീവിത ശൈലിയില് വന്ന മാറ്റം മൂലം കേരളത്തില് വൃക്ക രോഗികള് ക്രമാതീതമായി വര്ധിക്കുന്ന സാഹചര്യത്തിലും നിര്ധനരായ രോഗികള്ക്ക് ഡയാലിസിസിന് സൗകര്യമൊരുക്കുകയെന്ന ആശയത്തിന്റെ ഭാഗവുമായാണ് സെന്ററുകള് സ്ഥാപിക്കുന്നത്. ഡയാലിസിസ് സെന്ററുകള് എത്ര നിലവില് വന്നാലും മതിയാവാത്ത രീതിയിലാണ് വൃക്ക രോഗികളുടെ എണ്ണം ക്രമാതീതമായി വര്ധിക്കുന്നത്. പാലക്കാട് ജില്ലയില്, കേരള തമിഴ്നാട് അതിര്ത്തി ഗ്രാമങ്ങളില് കഴിയുന്ന നിര്ധനരായ ആളുകളെ പുനരധിവസിപ്പിക്കുന്ന മൈക്രോവില്ലേജ് പദ്ധതിക്കും തുടക്കം കുറിച്ചിട്ടുണ്ട്.
വിശുദ്ധ റമസാനില് കോഴിക്കോട് മെഡിക്കല് കോളേജില് എത്തുന്ന രോഗികള്ക്കും കൂട്ടിരുപ്പുകാര്ക്കും വിപുലമായ ഇഫ്താര്, അത്താഴ സൗകര്യം സഹായി വാദിസലാം ഒരുക്കുന്നുണ്ട്. ഈ വര്ഷത്തെ റമസാനില് 1,500 പേര്ക്ക് ആണ് ഇഫ്താര് സൗകര്യം ഒരുക്കുന്നത്.
മെഡിക്കല് കോളജില് ചികിത്സ തേടിയെത്തുന്ന തലാസീമിയ ബാധിതരായ കുട്ടികളുടെ മാസാന്തമുള്ള രക്തമാറ്റത്തിനും തുടര്ന്നുള്ള ചികിത്സക്കാവശ്യമായ മരുന്നുകള് നല്കുന്നുണ്ട്. മെഡിക്കല് കോളജില് പ്രവേശിപ്പിക്കപ്പെട്ട രോഗികളായ 62 കുട്ടികളുടെ പൂര്ണ ചുമതലയാണ് 'സഹായി' ഏറ്റെടുത്തത്. ഓരോ രോഗിക്കും പ്രതിമാസം 3,000 മുതല് 8,000 രൂപ വരെ ചെലവ് വരുന്ന പദ്ധതിയാണിത്.
അത്യാഹിതങ്ങളില് പെട്ട് ചികിത്സ തേടിയെത്തുന്നവര്ക്ക് വളണ്ടിയര് സേവനം, നിര്ധന രോഗികളായ 600 ഓളം പേര്ക്ക് രാവിലെയും വൈകിട്ടുമായി ഭക്ഷണ വിതരണം, സൗജന്യ മരുന്ന് വിതരണം, മയ്യിത്ത് പരിപാലനം, രക്തദാനം, ആംബുലന്സ് സേവനം, അവശ്യ പരിചരണത്തിനുള്ള വാട്ടര് ബെഡ്, വീല് ചെയര് സേവനങ്ങള്, വാര്ഡുകളുടെ നവീകരണം, ഷെല്ട്ടറുകളുടെ നിര്മാണം തുടങ്ങി നിരവധി സേവന പ്രവര്ത്തനങ്ങള് നടത്തിവരുന്ന സഹായിവാദിസലാം ആതുര സേവന മേഖലയില് പതിനഞ്ച് വര്ഷം പിന്നിടുകയാണെന്നും ചൂണ്ടിക്കാട്ടി. ട്രഷറര് അബ്ദുല്ല സഅദി ചെറുവാടി, സഹായി യു എ ഇ നാഷണല് കമ്മിറ്റി ചെയര്മാന് ഷംസുദ്ദീന് നെല്ലറ, സഹായി യു എ ഇ നാഷണല് കമ്മിറ്റി കണ്വീനര് ബഷീര് വെള്ളായിക്കോട്, പബ്ലിക് റിലേഷന് കണ്വീനര് സലാം സഖാഫി എരഞ്ഞിമാവ് എന്നിവര് വാര്ത്താസമ്മേളനത്തില് പങ്കെടുത്തു.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google