മൊണാലിസയുടെ വിവാഹത്തിനെതിരെ ബിജെപി;'ക്ഷേത്രങ്ങൾ നിരീശ്വരവാദികൾക്ക് തോന്നിയവാസം കാട്ടാനുള്ളതല്ല'

കുംഭമേളയിലെ വൈറൽ താരം മൊണാലിസ ഭോസ്‌ലെയുടെ വിവാഹം ക്ഷേത്രത്തിൽ നടത്തിയതിനെതിരെ ബി ജെ പി നേതാവ് അഡ്വ ബി ഗോപാലകൃഷ്ണൻ.കേരളത്തിലെ ഹൈന്ദവ ക്ഷേത്രങ്ങൾ നിരീശ്വരവാദികൾക്ക് എന്തു തോന്നിവാസവും കാട്ടാനുള്ള ഇടമാക്കി മാറ്റുകയാണ് കമ്മ്യൂണി്റ്റ് സർക്കാരെന്ന് ഗോപാലകൃഷ്ണൻ ഫേസ്ബുക്കിൽ കുറിച്ചു. ഇതുകൊണ്ടാണ് ലവ് ജിഹാദിവ് വളമൊരുക്കുന്ന ഇടമാണന്ന് കേരളത്തെ വിളിക്കുന്നതെന്നും പോസ്റ്റിൽ ഗോപാലകൃഷ്ണൻ പറഞ്ഞു.

ബിജെപി നേതാവിൻ്റെ കുറിപ്പ് ഇങ്ങനെ

'ഇസ്ലാം മതത്തിൽ പെട്ട മുഹമ്മദ്‌ ഫർമാനും ഹിന്ദു മതത്തിൽ പെട്ട മോനാലിസയുടെയും വിവാഹം പെൺകുട്ടിയുടെ വീട്ടുകാർ എതിർത്തിട്ടും അവരെ കേരളത്തിൽ എത്തിച്ചു ക്ഷേത്രത്തിൽ വച്ചു വിവാഹം നടത്തി കൊടുത്തു എന്ന് ഊറ്റം കൊള്ളുന്ന കമ്മ്യൂണിസ്റ്റ്‌ നേതാക്കളോട് ചോദിക്കാനുള്ളത് ഒരു മുസ്ലീം പെൺകുട്ടിയും ഹിന്ദു യുവാവും തമ്മിൽ ഉള്ള വിവാഹം ഏതെങ്കിലും മുസ്ലീം പള്ളിയിൽ വച്ചോ അതുമായി ബന്ധപ്പെട്ട ഇടങ്ങളിൽ വച്ചോ നടത്തി കൊടുക്കാൻ ശിവൻകുട്ടിക്കും രഹിമിനും എംവി ഗോവിന്ദനും കഴിയുമോ? കേരളത്തിലെ ഹൈന്ദവ ക്ഷേത്രങ്ങൾ നിരീശ്വരവാദികൾക്ക് എന്തു തോന്നിവാസവും കാട്ടാനുള്ള ഇടമാക്കി മാറ്റി കഴിഞ്ഞു കമ്മ്യൂണിസ്റ് ഭരണകൂടം.. ഇത് കൊണ്ട് തന്നെയല്ലേ ലവ് ജിഹാദിന് വേദി ഒരുക്കുന്ന ഇടം കേരളം ആണെന്ന് പറയുന്നത്.. നാലു വോട്ടിനു വേണ്ടി എന്ത് തെമ്മാടിത്തരത്തിനും കൂട്ട് നിൽക്കുന്ന ഇടതനും വലതനും.. ഇവിടെയുള്ള ഹിന്ദുക്കളും ക്രിസ്ത്യാനികളും ഇവരെ തിരിച്ചറിയുക.. ഇന്ന് ഞാൻ നാളെ നീ... അത്രേ പറയാനുള്ളു ഈ വിഷയത്തിൽ', എന്നാണ് പോസ്റ്റിൽ ഗോപാലകൃഷ്ണൻ പറയുന്നത്.

മധ്യപ്രദേശിലെ ഇൻഡോർ സ്വദേശിനിയായ മൊണാലിസയും മഹാരാഷ്ട്ര സ്വദേശിയായ ഫർമാനും തിരുവനന്തപുരത്തെ അരുമാനൂർ നയിനാർ ദേവ ക്ഷേത്രത്തിൽ വെച്ചാണ് വിവാഹിതരായത്.സിപിഎം സംസ്ഥാന സെക്രട്ടറി എം.വി ഗോവിന്ദൻ ഉൾപ്പെടെയുള്ളവർ വിവാഹത്തിന് സാക്ഷികളായിരുന്നു.

വീട്ടുകാർ ഇരുവരുടേയും വിവാഹം എതിർത്തിരുന്നു. തുടർന്ന് വാറിൽ നടക്കുന്ന സിനിമാ ചിത്രീകരണത്തിനിടെയാണ് ഇരുവരും കഴിഞ്ഞ ദിവസം സഹായം തേടി തമ്പാനൂർ പോലീസ് സ്റ്റേഷനിൽ എത്തി. പിതാവ് മറ്റൊരു വിവാഹത്തിന് നിർബന്ധിക്കുന്നുവെന്നും സംരക്ഷണം വേണമെന്നും ആവശ്യപ്പെട്ടാണ് മൊണാലിസ പോലീസിനെ സമീപിച്ചത്. പരാതിയിൽ ഇടപെട്ട പോലീസ് പെൺകുട്ടിയുടെ പിതാവ് ജയ് സിങ് ഭോസ്‌ലെയേയും സിനിമാ സംഘത്തേയും സ്‌റ്റേഷനിലേക്ക് വിളിപ്പിച്ചു. തുടർന്നാണ് വിവാഹത്തിന് കളമൊരുങ്ങിയത്.