എപി അനില്‍ കുമാര്‍

ഇന്ത്യന്‍ നാഷണല്‍ കോണ്‍ഗ്രസിന്റെ കേരളത്തില്‍ നിന്നുള്ള രാഷ്ട്രീയ നേതാവാണ് എ.പി. അനില്‍ കുമാര്‍. നിലവില്‍ മലപ്പുറം ജില്ലയിലെ വണ്ടൂര്‍ നിയോജകമണ്ഡലത്തില്‍ നിന്നുള്ള എം.എല്‍.എയാണ് അദ്ദേഹം. കേരള സ്റ്റുഡന്റ്‌സ് യൂണിയനില്‍ നിന്ന് രാഷ്ട്രീയ ജീവിതം ആരംഭിച്ച അദ്ദേഹം ഇന്ത്യന്‍ യൂത്ത് കോണ്‍ഗ്രസിന്റെ സ്റ്റേറ്റ് സെക്രട്ടറിയായിരുന്നു. 2001 ല്‍ വണ്ടൂര്‍ നിയോജകമണ്ഡലത്തില്‍ കേരള നിയമസഭയിലേക്ക് തിരഞ്ഞെടുക്കപ്പെട്ടു. പിന്നീട് സാമൂഹിക, സാംസ്‌കാരിക, യുവജനകാര്യ വകുപ്പുകളില്‍ മന്ത്രിയായി. 2006 ലും 2011 ലും നിയമസഭയിലേക്ക് വീണ്ടും തിരഞ്ഞെടുക്കപ്പെട്ടു. 2002-04 കാലഘട്ടത്തില്‍ കേരള കാര്‍ഷിക സര്‍വകലാശാലയുടെ എക്‌സിക്യൂട്ടീവ് കമ്മിറ്റി അംഗവും സ്റ്റുഡന്റ് വെല്‍ഫെയര്‍ കമ്മിറ്റി ചെയര്‍മാനുമായിരുന്നു.