കൽവകുണ്ട്ല ചന്ദ്രശേഖര റാവു

കൽവകുണ്ട്ല ചന്ദ്രശേഖര റാവു (കെ സി ആർ) തെലുങ്കാനയുടെ ആദ്യത്തെ മുഖ്യമന്ത്രിയാണ്. ആന്ധ്രപ്രദേശിൽ നിന്നും തെലങ്കാന സംസ്ഥാനം വേർപെട്ടതിനു ശേഷം അദ്ദേഹം അധികാരത്തിൽ വന്നു.

By Rashmi | Tuesday, January 1, 2019, 03:13:05 PM [IST]

Quick Links

കൽവകുണ്ട്ല ചന്ദ്രശേഖര റാവു ജീവചരിത്രം
കൽവകുണ്ട്ല ചന്ദ്രശേഖര റാവു വ്യക്തിജീവിതം
കൽവകുണ്ട്ല ചന്ദ്രശേഖര റാവു രാഷ്ട്രീയ ജീവിതത്തിന്റെ നാൾവഴി
കൽവകുണ്ട്ല ചന്ദ്രശേഖര റാവു നേട്ടങ്ങൾ
കൽവകുണ്ട്ല ചന്ദ്രശേഖര റാവു കൗതുകകരമായ വിവരങ്ങള്‍
കൽവകുണ്ട്ല ചന്ദ്രശേഖര റാവു സ്വത്ത് വിവരങ്ങൾ

കൽവകുണ്ട്ല ചന്ദ്രശേഖര റാവു ജീവചരിത്രം

കൽവകുണ്ട്ല ചന്ദ്രശേഖര റാവു (കെ സി ആർ) തെലുങ്കാനയുടെ ആദ്യത്തെ മുഖ്യമന്ത്രിയാണ്. ആന്ധ്രപ്രദേശിൽ നിന്നും തെലങ്കാന സംസ്ഥാനം വേർപെട്ടതിനു ശേഷം അദ്ദേഹം അധികാരത്തിൽ വന്നു. അദ്ദേഹം പ്രാദേശിക രാഷ്ട്രീയ പാർട്ടിയായ തെലങ്കാന രാഷ്ട്ര സമിതിയുടെ നേതാവും പ്രസിഡന്റുമാണദ്ദേഹം. അദ്ദേഹം സിദ്ധിപ്പേട്ട് ജില്ലയുടെ ഗജ്വെൽ നിയോജകമണ്ഡലത്തിൽ നിന്നുള്ള എം എൽ എ ആണ്. ഇതിനു മുൻപ് അദ്ദേഹം ആന്ധ്രാപ്രദേശിലെ സിദ്ധിപേട്ടിൽ നിന്നുള്ള എം എൽ എ ആയും മഹ്ബൂബ്നഗർ, കെരിം നഗർ, മേദക് എന്നിവിടങ്ങളിൽ നിന്നുള്ള എം പി ആയും സേവനമനുഷ്ഠിച്ചിട്ടുണ്ട്. ഹൈദരാബാദിലെ ഒസ്മാനിയ യൂണിവേഴ്സിറ്റിൽ നിന്നും എം എ പൂർത്തിയാക്കിയതിനു ശേഷം അദ്ദേഹം യൂത്ത് കോൺഗ്രസ്സിനൊപ്പം രാഷ്ട്രീയത്തിലേയ്ക്ക് പ്രവേശിച്ചു. ആ കാലയളവിൽ കോൺഗ്രസ്സ് പരിതാപകരമായ അവസ്ഥയിലായിരുന്നെങ്കിലും അദ്ദേഹം സഞ്ജയ് ഗാന്ധിയോടൊപ്പം നിന്ന് തന്റെ സാന്നിദ്ധ്യം നിലനിർത്തി. 1983-ൽ അദ്ദേഹം ടിഡി പിയിൽ ചേരുകയും പിന്നീട് 2001-ൽ ടി ഡി പിയിൽ നിന്നും രാജി വെച്ച് പ്രത്യേക സംസ്ഥാനം വേണമെന്ന ജനങ്ങളുടെ ആവശ്യത്തിനൊപ്പം നില്ക്കുകയും ചെയ്തു. ഒരു പ്രത്യേക സംസ്ഥാനമാണ് ഒരേയൊരു പരിഹാരം എന്നദ്ദേഹം വിശ്വസിച്ചു. 2001-ൽ അദ്ദേഹം തെലങ്കാന രാഷ്ട്ര സമിതി (ടി ആർ എസ്) പാർട്ടി രൂപീകരിച്ചു. 2006 ആഗസ്റ്റിൽ, തെലങ്കാന എന്ന ഉദ്ദേശ്യത്തോടെ അദ്ദേഹം യൂണിയൻ ക്യാബിനറ്റിൽ നിന്ന് രാജി വെയ്ക്കുകയും ന്യൂ ദൽഹിയിലെ ജന്തർ മന്തറിൽ നിരാഹാരാ സമരത്തിനിരിക്കുകയും ചെയ്തു. 2009 നവംബർ 29-ന് വീണ്ടും അദ്ദേഹം നിരാഹാര സത്യാഗ്രഹമിരിക്കുകയും തെലങ്കാന എന്ന പ്രത്യേക സംസ്ഥാനത്തിന്റെ രൂപീകരണത്തിനു വേണ്ട നടപടികൾ ആരംഭിക്കാമെന്ന ഇന്ത്യൻ സർക്കാരിന്റെ വിളംബരത്തെ തുടർന്ന് 2009 ഡിസംബർ 9-ന് സമരം പിൻവലിക്കുകയും ചെയ്തു.

കൂടുതൽ വായിക്കുക

കൽവകുണ്ട്ല ചന്ദ്രശേഖര റാവു വ്യക്തിജീവിതം

മുഴുവൻ പേര്	കൽവകുണ്ട്ല ചന്ദ്രശേഖര റാവു
ജനനത്തീയതി	17 Feb 1954 (വയസ്സ് 72)
ജന്മസ്ഥലം	സിദ്ധിപേട്ട, തെലങ്കാന
പാര്‍ട്ടിയുടെ പേര്‌	Bharat Rashtra Samithi
വിദ്യാഭ്യാസം	Graduate
തൊഴില്‍	രാഷ്ട്രീയ പ്രവർത്തകൻ
പിതാവിന്റെ പേര്	രാഘവർ റാവു
മാതാവിന്റെ പേര്	വെങ്കടമ്മ
പങ്കാളിയുടെ പേര്	ശോഭ
മക്കൾ	1 പുത്രൻ 1 പുത്രി
മതം	ഹിന്ദു

കൽവകുണ്ട്ല ചന്ദ്രശേഖര റാവു ആസ്തി

ആസ്തി

₹7.28 CRORE

ആസ്തികള്‍

₹15.16 CRORE

ബാധ്യത

₹7.88 CRORE

കൽവകുണ്ട്ല ചന്ദ്രശേഖര റാവു കൗതുകകരമായ വിവരങ്ങള്‍

കെ സി ആർ സാമൂഹിക പ്രവർത്തനങ്ങളിൽ ഉൾപ്പെടുകയും അടിച്ചമർത്തപ്പെട്ടവരുടെയും ദരിദ്രരുടെയും ഉന്നമനത്തിനായി പ്രയത്നിക്കുകയും ചെയ്തു. അദ്ദേഹത്തിന്റെ ചില പ്രവർത്തനങ്ങൾ: (1) 2004-ൽ കരീം ഒരു കോടി രൂപ മൂല്യമുള്ള കൂട്ട വൃക്ഷത്തൈ നടൽ പദ്ധതി നഗറിൽ ഏറ്റെടുത്തു. (2) മുസീം ന്യൂനപക്ഷത്തിനു വേണ്ടി അനവധി ഭവന നിർമ്മാണം. (3) സിദ്ധിപേട്ട് നിയോജകമണ്ഡലത്തിൽ വെള്ളപ്പൊക്കബാധിതരായ 145 നിവാസികൾക്ക് കുടിവെള്ള വിതരണം. അദ്ദേഹത്തിന്റെ ഒഴിവുസമയങ്ങളിൽ അദ്ദേഹം ബാറ്റ്മിന്റൺ കളിക്കും. ജ്യോതിഷം, സംഘ്യാശാസ്ത്രം, വാസ്തു എന്നിവയുടെ ഒരു ഉറച്ച വിശ്വാസിയാണ് റാവു. പ്രധാനപ്പെട്ട ഉദ്ഘാടനങ്ങൾക്ക് വേണ്ടിയുള്ള സമയം തീരുമാനിക്കുന്നതിനു മുൻപ് അദ്ദേഹം എപ്പോഴും വിദഗ്ധരുടെ ഉപദേശം ആരായും. ‘ആറ്’എന്ന അക്കമാണ് തന്റെ ഭാഗ്യനമ്പറായി അദ്ദേഹം വിശ്വസിക്കുന്നത്.

കൽവകുണ്ട്ല ചന്ദ്രശേഖര റാവു രാഷ്ട്രീയ ജീവിതത്തിന്റെ നാൾവഴി

2018: 2018 സെപ്തംബർ ആറിന് അദ്ദേഹം ടി സംസ്ഥാനത്തെ ടി ആർ എസ് സർക്കാർ പിരിച്ചു വിടുകയും മുഖ്യമന്ത്രി സ്ഥാനത്ത് നിന്ന് രാജി വെയ്ക്കുകയും ചെയ്തു. അതിനു ശേഷം സസ്ഥാനത്ത് രാഷ്ട്രപതി ഭരണം സ്ഥാപിക്കപ്പെട്ടു.
2014: ആന്ധ്രപ്രദേശിൽ നിന്നും തെലങ്കാന വേർപെട്ടതിനു ശേഷം, അദ്ദേഹം ഗജ്വാളിൽ നിന്നും മേദക്കിൽ നിന്നും അസംബ്ലി തിരഞ്ഞെടുപ്പിൽ വിജയകരമായി മത്സരിച്ചു. എല്ലാത്തിനുമുപരി, അദ്ദേഹം 16-മത് ലോകസഭ തിരഞ്ഞെടുപ്പിൽ ലോകസഭയിലേയ്ക്കും തിരഞ്ഞെടുക്കപ്പെട്ടു. എന്നാൽ അദ്ദേഹം ലോകസഭയിൽ നിന്ന് രാജിവെച്ച് തെലങ്കാനയുടെ മുഖ്യമന്ത്രിയായി
2009: അദ്ദേഹം ദേവരകൊണ്ട വിട്ടൽ റാവുവിനെ (ഐ എൻ സി) 20184 വോട്ടുകൾക്ക് പരാജയപ്പെടുത്തി മഹബൂബ് നഗറിൽ നിന്നും ലോകസഭയിലേയ്ക്ക് തിരഞ്ഞെടുക്കപ്പെട്ടു. കൂടാതെ അദ്ദേഹം, ലോകസഭ തെലങ്കാന രാഷ്ട്ര സമിതി പാർലമെന്ററി പാർട്ടി നേതാവാകുകയും ചെയ്തു. പിന്നീട് ഊർജ്ജ സ്റ്റാന്റിംഗ് കമ്മിറ്റി അംഗവും റൂൾസ് കമ്മിറ്റി അംഗവുമായി.
2008: 2008 മാർച്ച് മൂന്നിന് ലോകസഭയിൽ നിന്നും അദ്ദേഹം ലോകസഭയിൽ നിന്ന് രാജി വെച്ചു. 2008 ഉപ തിരഞ്ഞെടുപ്പിൽ വീണ്ടും എം പി ആയി തിരഞ്ഞെടുക്കപ്പെട്ടു.
2006: 2006 സെപ്തംബർ 23-ന് അദ്ദേഹം ലോകസഭയിൽ നിന്നും രാജി വെച്ചു. പിന്നീട് അതേ നിയോജകമണ്ഡലത്തിൽ നിന്നും 2006 ഡിസംബർ 7-ന് ഉപ തിരഞ്ഞെടുപ്പിൽ 14-മത് ലോകസഭ തിരഞ്ഞെടുപ്പിൽ വീണ്ടും തിരഞ്ഞെടുക്കപ്പെടുകയും ചെയ്തു.
2004: അദ്ദേഹം കരിം നഗറിൽ നിന്നും 14-മത് ലോകസഭയിലേയ്ക്ക് തിരഞ്ഞെടുക്കപ്പെട്ടു. അദ്ദേഹം ചെന്നമനേനി വിദ്യാസാഗര റാവുവിനെ (ബി ജെ പി) പരാജയപ്പെടുത്തി. പിന്നീട് അദ്ദേഹം ലേബർ & എം പ്ലോയ്മെന്റ് യൂണിയൻ ക്യാബിനറ്റ് മന്ത്രിയായി.
2003: നവ സംസ്ഥാന ദേശീയ മുന്നണി കൺവീനറായി അദ്ദേഹം സേവനമനുഷ്ഠിച്ചു.
2001: അദ്ദേഹം തെലുഗു ദേശം പാർട്ടിയിൽ നിന്നും ഡെപ്യൂട്ടി സ്പീക്കർ ഓഫീസിൽ നിന്നും എം എൽ എ എന്ന നിലയിൽ നിന്നും 2001-ൽ രാജി വെച്ച് ‘തെലങ്കാന രാഷ്ട്ര സമിതി’ (ടി ആർ എസ്) സ്ഥാപിച്ചു. കൂടാതെ, അദ്ദേഹം ആന്ധ്ര പ്രദേശ് അസംബ്ലി തിരഞ്ഞെടുപ്പിൽ വിജയകരമായി മത്സരിച്ചു.
1999: അദ്ദേഹം അസംബ്ലിയിലേയ്ക്ക് തിരഞ്ഞെടുക്കപ്പെടുകയും പിന്നീട് 1999-2001 -ൽ ആന്ധ്ര പ്രദേശ് ലെജിസ്ലേറ്റീവ് അസംബ്ലി ഡെപ്യൂട്ടി സ്പീക്കറാവുകയും ചെയ്തു.
1997: 1997 മുതൽ 2000 വരെ അദ്ദേഹം ആന്ധ്രപ്രദേശ് സർക്കാരിന്റെ ഗതാഗത ക്യാബിനറ്റ് മന്ത്രിയായിരുന്നു.
1995: പൊതു സ്ഥാപന കമ്മിറ്റി അംഗം (1995-96)
1994: സിദ്ദിപ്പേട്ടിൽ നിന്നും എം എൽ എ ആയി അദ്ദേഹം വീണ്ടും തിരഞ്ഞെടുക്കപ്പെട്ടു.
1993: 1994 വരെ തെലുഗു ദേശം പാർട്ടി(ടി ഡി പി) സംസ്ഥാന സെക്രട്ടറി
1992: ഒരു വർഷത്തേയ്ക്ക് പൊതുസ്ഥാപന കമ്മിറ്റി ചെയർമാൻ
1989: ഐ എൻ സിയുടെ ആനന്തുല മദൻ മോഹനെ പരാജയപ്പെടുത്തി സിദ്ധിപേട്ടിൽ നിന്നും അസംബ്ലിയിലേയ്ക്ക് അദ്ദേഹം വീണ്ടും തിരഞ്ഞെടുക്കപ്പെട്ടു. പിന്നീട് അദ്ദേഹം 1989 മുതൽ 1993 വരെ തെലുഗു ദേശം പാർട്ടിയുടെ(ടി ഡി പി) ജില്ലാ പാർട്ടി പ്രസിഡന്റായി.
1988: ആന്ധ്രപ്രദേശ് സർക്കാരിന്റെ വരൾച്ചാ മന്ത്രി (1988-89)
1987: ആന്ധ്രപ്രദേശ് സംസ്ഥാനസർക്കാരിന്റെ മന്ത്രി (1987-88)
1985: അദ്ദേഹം സിദ്ദിപേട്ട് നിയോജകമണ്ഡലത്തിൽ നിന്നും എം എൽ എ ആയി ആന്ധ്രപ്രദേശ് അസംബ്ലിയിലേയ്ക്ക് തിരഞ്ഞെടുക്കപ്പെട്ടു. അദ്ദേഹം ഐ എൻ സിയുടെ ടി മഹേന്ദർ റെഡ്ഡിയെ പരാജയപ്പെടുത്തി.
1983: കെ സി ആർ തെലുഗു ദേശം പാർട്ടിയിൽ ചേർന്നു.
1982: കെ സി ആർ സിദ്ധിപേട്ട് രാഘവപൂർ പ്രാഥമിക കാർഷിക സഹകരണ സംഘത്തിന്റെ (പി എ സി എസ്) ചെയർമാനായി തിരഞ്ഞെടുക്കപ്പെട്ടു. അതോടൊപ്പം തന്നെ അദ്ദേഹം യൂത്ത് കോൺഗ്രസ്സിന്റെ വൈസ് പ്രസിഡന്റ് ആയി.
1980: കെ സി ആർ ആന്ധ്ര പ്രദേശ് യൂത്ത് കോൺഗ്രസ്സിൽ സഞ്ജയ് ഗാന്ധിയുടെ നിർദ്ദേശത്തിനു കീഴിൽ ചേർന്നു.

കൽവകുണ്ട്ല ചന്ദ്രശേഖര റാവു നേട്ടങ്ങൾ

2014-ൽ സി എൻ എൻ - ഐ ബി എൻ ഇന്ത്യൻ എന്ന പോപ്പുലർ ചോയ്സ് അവാർഡ്

Disclaimer:The information provided on this page is sourced from various publicly available platforms including https://en.wikipedia.org/, https://sansad.in/ls, https://sansad.in/rs, https://pib.gov.in/, https://affidavit.eci.gov.in/ and the official websites of state assemblies respectively. While we make every effort to maintain the accuracy, comprehensiveness and timeliness of the information provided, we cannot guarantee the absolute accuracy or reliability of the content. The data presented here has been compiled without consideration of the objectives or opinions of individuals who may access it.