ബി ശ്രീരാമുലു

1999ൽ ബിജെപി സ്ഥാനാർത്ഥിയായിരുന്ന ശ്രീമതി സുഷമാ സ്വരാജിന്റെ സഹായിയായി തിളങ്ങിയ ഇദ്ദേഹം, 1999ലെ നിയമസഭാ തെരഞ്ഞെടുപ്പിൽ മത്സരിക്കുകയും, പക്ഷെ കോൺഗ്രസ്സിന്റെ ശ്രീ ദിവാകർ ബാബുവിനോട് പരാജയപ്പെടുകയും ചെയ്തു. പരാജയത്തോടെ ഏകദേശം എഴുതിത്തള്ളപ്പെട്ടിരുന്ന ഇദ്ദേഹം 2004ൽ വീണ്ടും നിയമസഭാ മത്സരത്തിൽ സ്ഥാനാര്ഥിയായി മത്സരിക്കുകയും വിജയിക്കുകയും ചെയ്തു. പിന്നീട് തുടർച്ചയായി മൂന്നുപ്രാവശ്യം ബെല്ലാരി നിയമസഭാ മണ്ഡലത്തെ പ്രതിനിധാനം ചെയ്തിട്ടുണ്ട്. ബിജെപിയുമായുള്ള ബന്ധം എന്നും വിവാദങ്ങൾ സൃഷ്ടിച്ചിട്ടുള്ള ഇദ്ദേഹത്തിന്റെ രാഷ്ട്രീയബന്ധം, ഒരു ഘട്ടത്തിൽ സഖ്യകക്ഷികളുടെ പ്രവൃത്തികളിൽ മനംനൊന്ത് പാർട്ടിയിൽ നിന്നും രാജിവെക്കുന്ന സ്ഥിതിവിശേഷത്തിൽ എത്തിച്ചിട്ടുണ്ട്. എന്നാൽ തെറ്റിധാരണകൾ നീക്കി 2014ൽ അദ്ദേഹം ബീജേപ്പിയിലേക്ക് തിരികെവരുകയും 16ആം ലോക്സഭയിലേക്ക് മത്സരിക്കുകയും വിജയിക്കുകയും ചെയ്തു. നിലവിൽ ബെല്ലാരി ലോക്സഭാ മണ്ഡലത്തെ പ്രതിനിധാനം ചെയ്യുന്നത് ശ്രീ ശ്രീരാമുലുവാണ്. കർണ്ണാടകയിലെ തന്നെ ബാദാമി മണ്ഡലം തിരിച്ചു പിടിക്കുന്നതിനായി നിയോഗിക്കപ്പെടുകയും നിലവിലെ വിജയിയായ കോൺഗ്രസ്സിന്റെ ശ്രീ സിദ്ധരാമയ്യയ്ക്ക് കനത്ത വെല്ലുവിളി ഉയർത്തുകയുംചെയ്യുന്നു