ക്യാപ്റ്റൻ അമരീന്ദർ സിംഗ്

ക്യാപ്റ്റൻ അമരീന്ദർ ഇപ്പോഴത്തെ പഞ്ചാബ് മുഖ്യമന്തിയാണ്(26-മത്). ഇതിനു മുൻപ്, അദ്ദേഹം 2002-2007-ൽ പഞ്ചാബിന്റെ മുഖ്യമന്ത്രിയായി സേവനമനുഷ്ഠിച്ചിട്ടുണ്ട്. അദ്ദേഹം പട്യാലയിൽ നിന്നും തിരഞ്ഞെടുക്കപ്പെട്ട ലെജിസ്ലേറ്റീവ് അസംബി അംഗവും അതോടൊപ്പം തന്നെ ഇന്ത്യൻ നാഷണൽ കോൺഗ്രസ്സിന്റെ സംസ്ഥാന ഡിവിഷന്റെ പഞ്ചാബ് പ്രദേശ് കോൺഗ്രസ് കമ്മിറ്റി പ്രസിഡന്റുമാണ്. അദ്ദേഹം 1980-ൽ ആദ്യ തവണ ലോകസഭയിലേയ്ക്ക് വിജയിച്ചു. രാഷ്ട്രീയത്തിനു പുറമേ, 1963 മുതൽ 1966 വരെ സിംഗ് ഇന്ത്യൻ ആർമിയ്ക്ക് വേണ്ടി പ്രവർത്തിച്ചിട്ടുണ്ട്. സിന്ധു ബ്രാർ രാജപരമ്പരയുടെ ഫുല്കിയൻ രാജപരമ്പരയിലെ പട്യാല മാഹാരാജാവ് യാദവീന്ദ്ര സിംഗിനും മഹാറാണി മൊഹീന്ദർ കൗറിനും സിംഗ് ജനിച്ചു. അദ്ദേഹം വെൽ ഹാം ബോയ്സ് സ്ക്കൂൾ, ലോറൻസ് സ്ക്കൂൾ സനാവർ, ഡൂൺ സ്ക്കൂൾ, ഡെറാഡൂൺ എന്നിവിടങ്ങളിൽ നിന്നും തന്റെ സ്ക്കൂൾ വിദ്യാഭ്യാസം ചെയ്തു. അദ്ദേഹത്തിന്റെ ഭാര്യയായ പ്രണീത് കൗർ 2009 മുതൽ 2014 വരെ സംസ്ഥാനത്തിന്റെ എം പി യും എക്സ്റ്റേണൽ അഫയേഴ്സ് മന്ത്രാലയത്തിന്റെ സംസ്ഥാനമന്ത്രിയുമായിരുന്നു. അവർക്ക് ഒരു മകനും ഒരു മകളുമുണ്ട്. രാഷ്ട്രീയത്തിൽ ചേരുന്നതിനു മുൻപ് അദ്ദേഹം ഇന്ത്യൻ ആർമിയിലായിരുന്നു. നാഷണൽ ഡിഫൻസ് അക്കാദമിയിൽ നിന്നും ബിരുദം നേടിയതിനു ശേഷം 1963-ൽ പട്ടാളത്തിൽ ചേരുകയും 1965-ന്റെ ആദ്യകാലത്ത് രാജി വെയ്ക്കുന്നതിനു മുൻപ് ഇന്ത്യൻ മിലിട്ടറി അക്കാദമിയിൽ ചേരുകയും ചെയ്തു. പാക്കിസ്ഥാനുമായുള്ള നയതന്ത്രം തകർന്നതിനെ തുടർന്ന് അദ്ദേഹം വീണ്ടും ഇന്ത്യൻ ആർമിയിൽ ചേരുകയും 1965-ലെ ഇന്ദൊ-പാക്കിസ്ഥാൻ യുദ്ധത്തിൽ ക്യാപ്റ്റനായി സേവനമനുഷ്ഠിക്കുകയും ചെയ്തു. അദ്ദേഹം സിഖ് റജിമെന്റിൽ സേവനമനുഷ്ഠിച്ചു.