ജയ ബച്ചൻ

ജയ ബച്ചൻ ഒരു അഭിനേഹ്രിയും രാഷ്ട്രീയപ്രവർത്തകയുമാണ്. തന്റെ അഭിനയജീവിതത്തിൽ ഹിന്ദി സിനിമാനടികളിൽ മികച്ചവരിൽ ഒരാളായി അവർ ശ്രദ്ധിക്കപ്പെട്ടിട്ടുണ്ട്. 12 വയസിൽ സിനിമാജീവിതം തുടങ്ങിയ അവർക്ക് അവരെ പ്രധാനിയാക്കുന്നതിന് അനുകൂലമായ ഒരു പിടി അവിസ്മരണീയ റോളുകൾ ലഭിച്ചിട്ടുണ്ട്. അഭിനയം പഠിക്കുന്നതിനായി ഫിലിം ഏന്റ് ടെലിവിഷൻ ഇൻസ്റ്റിറ്റ്യൂട്ട് ഓഫ് ഇന്ത്യയിൽ (എഫ്.ടി.ഐ.ഐ.) ചേർന്ന അവർ സ്വർണ്ണ മെഡലോടെ വിജയിച്ചു. തന്റെ തൊഴിൽ ജീവിതവേളയിൽ, അവർ 3 മികച്ച അഭിനേത്രി, മൂന്ന് സ്വഭാവനടി എന്നിവയടക്കം ഒമ്പത് ഫിലിം ഫെയർ അവാർഡുകളും അഭിനേത്രികളുടെ വിഭാഗത്തിൽ ഏറ്റവും കൂടുതൽ അവാർഡുകൾ നേടിയ കലാകാരി എന്ന നിലയിൽ ഭാരതസർക്കാർന്റെ പത്മശ്രീയും അവർ നേടിയിട്ടുണ്ട്.
അഭിനയത്തിൽ നിന്നും രാഷ്ട്രീയപ്രവർത്തകയായി മാറിയ ജയ ഭാദുരി ബച്ചൻ ഇപ്പോൾ സമാജ് വാദി പാർട്ടിയിൽ നിന്നും 2004 മുതൽ നാല് തവണകളിലായി സേവനമനുഷ്ഠിക്കുന്ന രാജ്യ സംഭാംഗമാണ്. സമാജ് വാദി പാർട്ടിയിൽ നിന്നും പാർലമെന്റംഗമായി 2004-ൽ ആദ്യമായി തിരഞ്ഞെടുക്കപ്പെട്ട ജയ ബച്ചൻ, 2006 മാർച്ച് വരെ രാജ്യസഭയിൽ ഉത്തർ പ്രദേശിനെ പ്രതിനിധീകരിച്ചു. 2006 ജൂൺ മുതൽ 2010 ജൂലൈ വരെ രണ്ടാം ഊഴം ലഭിച്ച അവർ 2010 ഫെബ്രുവരിയിൽ തന്റെ ഊഴം പൂർത്തിയാക്കുന്നതിനുള്ള ഉദ്ദേശ്യം വ്യക്തമാക്കി. 2012-ൽ മൂന്നാം തവണ വീണ്ടും തിരഞ്ഞെടുക്കപ്പെട്ട അവർ സമാജ് വാദി പാർട്ടിയിൽ നിന്നും രാജ്യസഭയിൽ നാലാം തവണയും സേവനമനുഷ്ഠിക്കുന്നതിനായി 2018-ൽ വീണ്ടും തിരഞ്ഞെടുക്കപ്പെട്ടു.