കരുണാനിധി എം

തമിഴ് നാട്ടിലെ നാഗപട്ടിണം ജില്ലയിലെ ഒരു ചെറിയ ഗ്രാമമായ തിരുക്കുവലൈയിൽ ജനിച്ച കരുണാനിധി സാമൂഹിക പ്രക്ഷോഭങ്ങളിൽ പൂർണ്ണമായി ഏർപ്പെട്ടുകൊണ്ട് തന്റെ 14-മത്തെ വയസിൽ രാഷ്ട്രീയത്തിൽ പങ്കെറുക്കുവാൻ തുടങ്ങി. അദ്ദേഹം തമിഴ് നാട്ടിലെ ഹിന്ദി ഭാഷയ്ക്കെതിരെയുള്ള വിവിധ പ്രക്ഷോഭങ്ങൾക്ക് പിന്നിൽ അദ്ദേഹമായിരുന്നു. അദ്ദേഹം മുരസൊലി എന്ന പത്രം തുടങ്ങി. ആത്യന്തികമായി അത് അദ്ദേഹത്തിന്റെ രാഷ്ട്രീയ പാർട്ടിയുടെ ഔദ്യോഗിക പത്രമായി മാറി. ഒരു പൂർണ്ണസമയ രാഷ്ട്രീയപ്രവർത്തകൻ എന്നതിനു പുറമെ കരുണാനിധി തമിഴ് സിനിമകളിൽ കേന്ദ്രീകരിക്കുകയും ഒരു തിരക്കഥാ കൃത്തെന്ന നിലയിൽ വിവിധ സിനിമകളിലൂടെ അദ്ദേഹം തന്റെ ദ്രാവിഡ വംശ ചിന്താഗതികൾ പ്രചരിപ്പിക്കുകയും ചെയ്തു. അദ്ദേഹത്തിന്റെ ആദ്യ സിനിമ രാജകുമാരിയും (1947) അവസാന സിനിമ പൊന്നർ ശങ്കറും (2011) ആയിരുന്നു. തിരുക്കുറൾ ഉരൈ, സംഗ തമിഴ്, കുരലോവിയം, തെൻപാണ്ടി സിംഗം, റോമാപുരി പാണ്ഡ്യൻ എന്നിവയടക്കം 100-ലേറെ ഗദ്യങ്ങളും കവിതകളും കരുണാനിധി എഴുതിയിട്ടുണ്ട്. തൂക്കു മേഡൈ, മണിമകുഡം, നാനെ അറിവാളി എന്നിവയടക്കമുള്ള വിവിധ നാടകങ്ങളിലും അദ്ദേഹം അഭിനയിച്ചിട്ടുണ്ട്. കരുണാനിധി കന്യാകുമാരിയിലെ പാറകളിലൊന്നിൽ 133 അടി വലുപ്പമുള്ള തിരുവള്ളുവർ പ്രതിമ നിർമ്മിച്ചിട്ടുണ്ട്. പ്രായാധിക്യം മൂലമുള്ള അസുഖങ്ങളാൽ വിവിധ അവയവങ്ങൾ പ്രവർത്തനരഹിതമായതിനെ തുടർന്ന് കരുണാനിധി തന്റെ 94-മത്തെ വയസ്സിൽ 2018 ആഗസ്റ്റ് 07-ന് അന്തരിച്ചു.