മല്ലികാർജുൻ ഖാർഗെ

മല്ലികാർജുന ഖാർഗെ ഒരു മുതിർന്ന കർണ്ണാടക രാഷ്ട്രീയപ്രവർത്തകനും 16-മത് ലോകസഭയിലെ ഇന്ത്യൻ നാഷണൽ കോൺഗ്രസ് പാർട്ടി നേതാവുമാണ്. അദ്ദേഹം കർണ്ണാടകയിലെ ഗുൽ ബർഗയിൽ നിന്നും കോൺഗ്രസ് എം പി ആയി തിരഞ്ഞെടുക്കപ്പെട്ടു. അദ്ദേഹം ഇന്ത്യൻ സർക്കാരിന്റെ മുൻ റെയിൽ വേ മന്ത്രിയായിരുന്നു. സുതാര്യമായ പൊതുസമ്മതിയും രാഷ്ട്രീയം, നീതിന്യായം, ഭരണം എന്നിവയിൽ ഊർജ്ജസ്വലനുമായ കാര്യക്ഷമതയുള്ള നേതാവാണ്. നിലവിൽ അദ്ദേഹം പാർലമെന്റിൽ കോൺഗ്രസ്സ് പാർട്ടി നേതാവായി പേരെടുത്തു. മല്ലികാർജുന ഖാർഗെ നരേന്ദ്ര മോദി നയിയ്ക്കുന്ന എൻ ഡി എ സർക്കാരിനെതിരെ ലോകസഭയിൽ കോൺഗ്രസ് പാർട്ടിയുടെ നേതാവായി നാമനിർദ്ദേശം ചെയ്യപ്പെട്ടിട്ടുണ്ട്. അദ്ദേഹം തുടർച്ചയായ 10 തവണ തിരഞ്ഞെടുപ്പുകൾ ജയിച്ചിട്ടുണ്ട്. 9 തവണ തുടർച്ചയായി അഭൂതപൂർവമായ രീതിയിലും ഈയടുത്ത് ഗുൽ ബർഗയിൽ നിന്നുള്ള പൊതു തിരഞ്ഞെടുപ്പിലും ജയിച്ചിട്ടുണ്ട്. അദ്ദേഹം കർണ്ണാടകയിൽ നിന്നുള്ള ഒരു പട്ടികജാതി എം പി ആണ്. അദ്ദേഹം 40 വർഷങ്ങൾ എം എൽ എയും 5 വർഷങ്ങൾ എം പിയുമായിരുന്നു.