ശ്രീമതി മീനാക്ഷി ലേഖി

ഭാരതീയ ജനത പാർട്ടിയിൽ നിന്നുള്ള ഒരു ഇന്ത്യൻ രാഷ്ട്രീയ പ്രവർത്തകയാണ് മീനാക്ഷി ലേഖി. അവർ ഇപ്പോൾ പ്രതിനിധീകരിക്കുന്നത് ന്യൂ ദൽഹി ലോകസഭ നിയോജകമണ്ഡലമാണ്. ഭാരതീയ ജനത പാർട്ടിയുടെ ദേശീയ വക്താവും ഇന്ത്യൻ സുപ്രീം കോടതി അഭിഭാഷകയുമെന്ന നിലയിൽ മീനാക്ഷി ലേഖി ബി ജെ പിയുടെ ഊർജ്ജസ്വലയും ബഹുമുഖ പ്രതിഭയുമായ മുഖമായി അറിയപ്പെടുന്നു. ലേഖി വീക് മാഗസിനിൽ ദ്വൈവാരിക കോളമായി ‘ഫോർത് റൈറ്റ്’ എഴുതുന്നുണ്ട്. വിവിധ വിഷയങ്ങളെ കുറിച്ച് ടെലിവിഷനിലൂടെയും വിവിധ ന്യൂസ് പേപ്പർ ലേഖനങ്ങളിലൂടെയും അവർ വാദപ്രതിവാദങ്ങൾ നടത്തിയിട്ടുണ്ട്. എൻ എച്ച് ആർ സി യിലും ലിംഗ് പരിശീലന പരിപാടികളിലും വിവിധ മന്ത്രിമാരോടൊപ്പം അവർ വിവിധ പ്രഭാഷണങ്ങൾ നടത്തിയിട്ടുണ്ട്. “വനിത സംവരണ ബില്ല്” & “തൊഴിലിട ലൈംഗിക അതിക്രമങ്ങളുടെ പ്രശ്നം” എന്നിവയുടെ ഡ്രാഫ്റ്റിംഗ് കമ്മിറ്റിയുടെ അംഗം കൂടിയാണ് അവർ. 1967 ഏപ്രിൽ 30-ന് ന്യൂ ദൽഹിയിലാണ് മീനാക്ഷി ലേഖി ജനിച്ചത്. അവർ മധ്യവർഗ്ഗ കുടുംബത്തിൽ നിന്നുള്ള ഒരു അതിബുദ്ധിമതിയായ പെൺകുട്ടിയായിരുന്നു. അവർ ദൽഹി യൂണിവേഴ്സിറ്റിയുടെ പ്രസിദ്ധമായ ഹിന്ദു കോളേജിൽ നിന്നും ബി എസ് സി ബോട്ടണി ചെയ്തിട്ടുണ്ട്. പിന്നീട്, അവർ ദൽ ഹി യൂണിവേഴ്സിറ്റിയിൽ നിന്നും എൽ എൽ ബി ചെയ്തു. 1990-ൽ അവർ ദൽ ഹി ബാർ കൗൺസിലിൽ രജിസ്റ്റർ ചെയ്തു. അവരുടെ അമ്മായിയച്ഛൻ പരേതനായ പ്രാൺ നാഥ് ലേഖി സുപ്രീം കോടതി അഭിഭാഷകനായിരുന്നു. അവർ സുപ്രീം കോടതി അഭിഭാഷകനായ അമൻ ലേഖിയുമായി പ്രണയത്തിലായി. ബാർ കൗൺസിൽ തിരഞ്ഞെടുപ്പിൽ ഒരു സ്ഥാനാർത്ഥിയ്ക്ക് വേണ്ടി പ്രചരണം നടത്തുമ്പോഴാണ് മീനാക്ഷി, അമനെ കണ്ടുമുട്ടിയത്. 1992 ഏപ്രിൽ 11 - ന് ദമ്പതികൾ വിവാഹിതരായി. മൂന്ന് കുട്ടികളുണ്ട്.