പികെ കൃഷ്ണദാസ്

ഭാരതീയ ജനതാ പാര്‍ട്ടിയുടെ കേരളത്തിലെ ശക്തനായ നേതാവാണ് പികെ കൃഷ്ണദാസ്. ബിജെപി മുന്‍ സംസ്ഥാന അധ്യക്ഷനായിരുന്നു അദ്ദേഹം. . 1963 ജൂലായ് 20ന് കണ്ണൂര്‍ ജില്ലയിലെ തലശ്ശേരിയിലുള്ള തിരുവങ്ങാട് എന്ന സ്ഥലത്താണ് കൃഷ്ണദാസ് ജനിച്ചത്. യുവമോര്‍ച്ച മണ്ഡലം ജനറല്‍ സെക്രട്ടറി, യുവമോര്‍ച്ച ജില്ലാ വൈസ് പ്രസിഡന്റ്, യുവമോര്‍ച്ച ജില്ലാ പ്രസിഡന്റ്, യുവമോര്‍ച്ച സംസ്ഥാന സെക്രട്ടറി, യുവമോര്‍ച്ച സംസ്ഥാന വൈസ് പ്രസിഡന്റ്, യുവമോര്‍ച്ച സംസ്ഥാന പ്രസിഡന്റ്, ബിജെപി സംസ്ഥാന സെക്രട്ടറി, ബിജെപി സംസ്ഥാന ജനറല്‍ സെക്രട്ടറി എന്നീ നിലകളില്‍ അദ്ദേഹം പ്രവര്‍ത്തിട്ടുണ്ട്. 2009ലെ ലോക്‌സഭാ തിരഞ്ഞെടുപ്പില്‍ തിരുവനന്തപുരം മണ്ഡലത്തില്‍ നിന്ന് ബിജെപിയുടെ സ്ഥാനാര്‍ത്ഥിയായി കൃഷ്ണദാസ് മത്സരിച്ചിരുന്നു. ഇന്ത്യന്‍ നാഷണല്‍ കോണ്‍ഗ്രസിലെ ശശി തരൂരിനെതിരെയും സിപിഐയിലെ പി. രാമചന്ദ്രന്‍ നായര്‍ക്കെതിരെയുമായിരുന്നു മത്സരം.