പ്രിയങ്ക് ഖാർഗെ

By Rashmi | Tuesday, January 1, 2019, 01:15:14 PM [IST]

Quick Links

പ്രിയങ്ക് ഖാർഗെ ജീവചരിത്രം
പ്രിയങ്ക് ഖാർഗെ വ്യക്തിജീവിതം
പ്രിയങ്ക് ഖാർഗെ രാഷ്ട്രീയ ജീവിതത്തിന്റെ നാൾവഴി
പ്രിയങ്ക് ഖാർഗെ നേട്ടങ്ങൾ
പ്രിയങ്ക് ഖാർഗെ കൗതുകകരമായ വിവരങ്ങള്‍
പ്രിയങ്ക് ഖാർഗെ മുന്‍കാല ചരിത്രം
പ്രിയങ്ക് ഖാർഗെ സ്വത്ത് വിവരങ്ങൾ

പ്രിയങ്ക് ഖാർഗെ ജീവചരിത്രം

മുതിർന്ന കോൺഗ്രസ്സ് നേതാവായ മല്ലികാർജുൻ ഖാർഗെയുടെ പുത്രനായ പ്രിയങ്ക് ഖാർഗെ ഒരു പ്രമുഖ കോൺഗ്രസ്സ് നേതാവാണ്. ഗുൽ ബർഗയിൽ ജനിച്ച അദ്ദേഹം ഗ്രാഫിക് ഡിസൈനിലും അനിമേഷനിലും അഡ്വാൻസ്ഡ് ഡിപ്ലോമ കരസ്ഥമാക്കി. അദ്ദേഹം നാഷണൽ സ്റ്റുഡന്റ്സ് യൂണിയൻ ഓഫ് ഇന്ത്യയുടെ (എൻ എസ് യു ഐ) സജീവ അംഗമായപ്പോൾ അദ്ദേഹത്തിന്റെ നേതൃത്വപാടവം പ്രകടമായി. ഇതും അദ്ദേഹത്തിന്റെ രാഷ്ട്രീയ യാത്രയ്ക്ക് അടിത്തറ പാകി. ഒരു വിദ്യാർത്ഥി പ്രവർത്തകനെന്ന നിലയിലെ ചെറിയ ഇടവേളയ്ക്ക് ശേഷം, അദ്ദേഹം കോൺഗ്രസ്സിൽ ചേരുകയും വളരെ അടുത്ത് തന്നെ കർണ്ണാടക പ്രദേശ് യൂത്ത് കോൺഗ്രസ് കമ്മിറ്റി (കെ പി വൈ സി സി) ജനറൽ സെക്രട്ടറിയാവുകയും ചെയ്തു. 2008 ലെ അസംബി തിരഞ്ഞെടുപ്പിൽ ചിതാപുർ നിയോജകമണ്ഡലത്തിൽ നിന്നും മത്സരിച്ചതിലൂടെ അദ്ദേഹം സജീവ രാഷ്ട്രീയത്തിലേയ്ക്ക് പ്രവേശിച്ചെങ്കിലും ചെറിയ വോട്ട് വ്യത്യാസത്തിൽ അദ്ദേഹം പരാജയപ്പെട്ടു. 2013 അസംബ്ലി തിരഞ്ഞെടുപ്പിൽ അദ്ദേഹം തിരികെ വരുകയും സിദ്ധരാമയ്യം സർക്കാരിന്റെ കീഴിൽ 2016-ൽ ഇൻഫൊർമേഷൻ സയൻസ് & ബയോ ടെക്നോളജി മന്ത്രാലയം കരസ്ഥമാക്കുകയും ചെയ്തു. 2018-ൽ അദ്ദേഹം എച്ച് ഡി കുമാരസ്വാമി സഖ്യ സർക്കാരിൽ സാമൂഹിക ക്ഷേമ - പിന്നോക്കവിഭാഗ മന്ത്രാലയത്തിന്റെ ചുമതല വഹിക്കുന്നു.

കൂടുതൽ വായിക്കുക

പ്രിയങ്ക് ഖാർഗെ വ്യക്തിജീവിതം

മുഴുവൻ പേര്	പ്രിയങ്ക് ഖാർഗെ
ജനനത്തീയതി	22 Nov 1978 (വയസ്സ് 47)
ജന്മസ്ഥലം	ഗുൽബർഗ, കർണ്ണാടക
പാര്‍ട്ടിയുടെ പേര്‌	Indian National Congress
വിദ്യാഭ്യാസം	12th Pass
തൊഴില്‍	വ്യവസായ സ്ഥാപകൻ + കൺസൾട്ടന്റ്
പിതാവിന്റെ പേര്	മല്ലികാർജ്ജുൻ ഖാർഗെ
മാതാവിന്റെ പേര്	രാധാഭായ് ഖാർഗെ
പങ്കാളിയുടെ പേര്	ശ്രുതി പി ഖാർഗെ
പങ്കാളിയുടെ ജോലി	ബിസിനസ്സ്
മതം	ഹിന്ദു

പ്രിയങ്ക് ഖാർഗെ ആസ്തി

ആസ്തി

₹16.54 CRORE

ആസ്തികള്‍

₹16.83 CRORE

ബാധ്യത

₹28.75 LAKHS

പ്രിയങ്ക് ഖാർഗെ കൗതുകകരമായ വിവരങ്ങള്‍

2016-ൽ ക്യാബിനറ്റിൽ അദ്ദേഹം ഉൾപ്പെട്ടപ്പോൾ ക്യാബിനറ്റിൽ സത്യപ്രതിജ്ഞ ചെയ്യ്യുന്ന ഏറ്റവും പ്രായം കുറഞ്ഞ മന്ത്രിയായിരുന്നു.
ഗ്രാഫിക് ഡിസൈനിലും കമ്പ്യൂട്ടർ അനിമേഷനിലും അഡ്വാൻസ്ഡ് ഡിപ്ലോമ അദ്ദേഹം നേടിയിട്ടുണ്ട്.
പുസ്തകങ്ങൾ, പ്രത്യേകിച്ചു നോവലുകൾ വായിക്കാൻ അദ്ദേഹം ഇഷ്ടപ്പെടുന്നു.

പ്രിയങ്ക് ഖാർഗെ രാഷ്ട്രീയ ജീവിതത്തിന്റെ നാൾവഴി

2018: ഇന്ത്യൻ നാഷണൽ കോൺഗ്രസ്സ് പാർട്ടിയിൽ നിന്നും അസംബ്ലി തിരഞ്ഞെടുപ്പിലേയ്ക്ക് ചിത്താപൂർ നിയോജകമണ്ഡലത്തിൽ നിന്നും മത്സരിച്ച് 4393 വോട്ടുകളുടെ വ്യത്യാസത്തോടെ വിജയിക്കുകയും ചെയ്തു. അദ്ദേഹം എച്ച് ഡി കുമാരസ്വാമി സർക്കാരിൽ സാമൂഹിക ക്ഷേമ - പിന്നോക്കവിഭാഗ ചുമതല ലഭ്യമാക്കുകയും ചെയ്തു.
2016: അദ്ദേഹം ഹൈദരബാദ് - കർണ്ണാടകയിൽ ആദ്യമായി നിയോജകമണ്ഡലങ്ങൾക്ക് വേണ്ടി എം എൽ എ ഹെൽപ് ലൈൻ അവതരിപ്പിച്ചു.
2016: ഡോ.ബി ആർ അംബേദ്കറുടെ 125-മത് ജന്മവാർഷികത്തിന്റെ സ്മരണാർത്ഥം ലണ്ടൻ സ്ക്കൂൾ ഓഫ് ഇക്കണോമിക്സിനൊപ്പം ബംഗളൂരുവിൽ സ്ക്കൂൾ ഓഫ് ഇക്കണോമിക്സ് ക്രമീകരിക്കുന്നതിനായി ഖാർഗെ നിർദ്ദേശിക്കുകയും മുൻ കൈ എടുക്കുകയും ചെയ്തു.
2016: കർണ്ണാടക സർക്കാരിന്റെ എൻ ആർ ഐ നയത്തിലും വ്യവസായ നയത്തിലും (എച്ച് കെ മേഖല) ഭാഗമായി.
2016: ലോക വിദ്യാഭ്യാസ കൂട്ടായ്മയും ലണ്ടനിലെ ബ്രിട്ടീഷ് കൗൺസിൽ പ്രതിനിധിസംഘത്തിലും സംബന്ധിച്ചു.
2016: സിദ്ധരാമയ്യ സർക്കാരിൽ ഐ ടി & ബി ടി മന്ത്രിസ്ഥാനം അദ്ദേഹം കരസ്ഥമാക്കി.
2014: ലണ്ടൻ കോമൺ വെൽത്ത് പാർലമെന്ററി അസോസിയേഷൻ പ്രതിനിധിയായി ചേർന്നു.
2013: ഖാർഗെ ചിത്താപൂർ നിയോജകമണ്ടലത്തിൽ നിന്നും ഇന്ത്യൻ നാഷണൽ കോൺഗ്രസ് പാർട്ടിയിൽ നിന്നും അസംബ്ലി തിരഞ്ഞെടുപ്പിലേയ്ക്ക് മത്സരിക്കുകയും 30000 വോട്ടുകളുടെ വൻ ഭൂരിപക്ഷത്തോടെ ബി ജി പി സ്ഥാനാർത്ഥി വാത്മീകി നായകിനെതിരെ വിജയിച്ചു.
2011: കർണ്ണാടക പ്രദേശ് യൂത്ത് കോൺഗ്രസ്സ് കമ്മിറ്റി വൈസ് പ്രസിഡന്റായി നിയമിക്കപ്പെട്ടു. ഈ സ്ഥാനത്ത് 2013 വരെ ഈ സ്ഥാനത്ത് സേവനമനുഷ്ഠിച്ചു.
2008: ഇന്ത്യൻ നാഷണൽ കോൺഗ്രസ് പാർട്ടിയിൽ നിന്ന് അസംബ്ലി തിരഞ്ഞെടുപ്പിൽ ചിത്താപൂർ നിയോജകമണ്ഡലത്തിൽ നിന്നും മത്സരിയ്ക്കുകയും 1600 വോട്ടിന്റെ വ്യത്യാസത്തിൽ ബി ജെ പി സ്ഥാനാർത്ഥിയോട് പരാജയപ്പെടുകയും ചെയ്തു.
2007: അദ്ദേഹം കർണ്ണാടക പ്രദേശ് യൂത്ത് കോൺഗ്രസ്സ് കമ്മിറ്റി ജനറൽ സെക്രട്ടറിയായി ഉയർത്തപ്പെട്ടു. ഈ സ്ഥാനത്ത് 2011 വരെ ഈ സ്ഥാനത്ത് സേവനമനുഷ്ഠിച്ചു.
2005: അദ്ദേഹം കർണ്ണാടക പ്രദേശ് യൂത്ത് കോൺഗ്രസ് കമ്മിറ്റി സെക്രട്ടറിയായി.
2001: അദ്ദേഹം 2005 വരെ കർണ്ണാടക സംസ്ഥാന എൻ എസ് യു ഐ ജനറൽ സെക്രട്ടറിയായി സേവനമനുഷ്ഠിച്ചു.
2000: അദ്ദേഹം കോളേജ് ജനറൽ സെക്രട്ടറിയായി : 2001 വരെ എൻ എസ് യു ഐ (നാഷണൽ സ്റ്റുഡന്റ്സ് യൂണിയൻ ഓഫ് ഇന്ത്യ)
1999: പ്രിയങ്ക് ഖാർഗെ ഔദ്യോഗികമായി ഇന്ത്യൻ നാഷണൽ കോൺഗ്രസ്സിൽ ചേർന്നു

മുന്‍കാല ചരിത്രം

1996 - 2001: 5 വർഷത്തേയ്ക്ക് അദ്ദേഹം എൻ സി സി കേഡറ്റ്(എയർ വിംഗ്) ആയിരുന്നു. 2 വർഷങ്ങളിൽ മികച്ച കേഡറ്റ് ആയി തിരഞ്ഞെടുക്കപ്പെട്ടു. ഗോവയിലും കർണ്ണാടകയിലുമുള്ള ദേശീയോദ്ഗ്രഥന ക്യാമ്പുകളിൽ പങ്കെടുത്തു. ഒറീസ്സയിലെ റൂർക്കലയിൽ പ്രീ റിപ്പബ്ലിക് ഡേ സെലക്ഷൻ ക്യാമ്പിൽ അദ്ദേഹം പങ്കെടുത്തു. കർണ്ണാടകയിൽ മൂന്നിലധികം ബെയ്സിക് ക്യാമ്പുകളിൽ പങ്കെടുത്തിട്ടുണ്ട്. കർണ്ണാടകയിലെ 5-ഇൽ ഒരാളായി എഞ്ചിൻ ഗ്ലൈഡേഴ്സ് പരിശീലനത്തിന് വേണ്ടി തിരഞ്ഞെടുക്കപ്പെട്ടു

പ്രിയങ്ക് ഖാർഗെ നേട്ടങ്ങൾ

കർണ്ണാടക സർക്കാരിനു വേണ്ടി ഏവിയേഷൻ/എയറോസ്പെയ്സിൽ ശ്രേഷ്ഠകേന്ദ്രം എന്ന ആശയം വിഭാവനം ചെയ്ത ആദ്യ വ്യക്തിയാണ് അദ്ദേഹം. കർണ്ണാടക സർക്കാരിന്റെ തൊഴിൽ വകുപ്പിനു വേണ്ടി തൊഴിലധിഷ്ഠിത പരിശീലന പദ്ധതി - യുവ യുഗ- വിഭാവനം ചെയ്തു.
12500 ഏക്കറിലുള്ള ഇൻഡസ്ട്രിയൽ ടൗൺഷിപ്പായ ദേശീയ നിക്ഷേപ നിർമ്മാണ മേഖലയുടെ കാരണഭൂതൻ
തുംകൂരിലെ അങ്കനവാഡികളിൽ പരീക്ഷണാടിസ്ഥാനത്തിൽ ഇ-ഐ സി ഡി എസിനു തുടക്കമിട്ടു.
കർണ്ണാടകയിലെ ഹൈദരാബാദ് ജനങ്ങൾക്ക് വേണ്ടി ആർട്ടിക്കിൾ 371(ജെ)യുടെ ഭേദഗതി ഉറപ്പാക്കുന്നതിൽ പ്രിയങ്കും അതിപ്രധാന പങ്ക് വഹിച്ചിട്ടുണ്ട്.
കർണ്ണാടകയിൽ നിക്ഷേപം നടത്തുന്നതിന് ആഗോള നിക്ഷേപകമീറ്റുകൾക്ക് വേണ്ട പ്രത്യേക പ്രദർശനശാലകൾക്ക് രാജ്യത്ത് തുടക്കമിട്ടു.
വ്യവസായം തുടങ്ങുന്നത് എളുപ്പമാക്കുന്നതിലേയ്ക്ക് ഖാർഗെ സംഭാവന ചെയ്തിട്ടുണ്ട്.

Disclaimer:The information provided on this page is sourced from various publicly available platforms including https://en.wikipedia.org/, https://sansad.in/ls, https://sansad.in/rs, https://pib.gov.in/, https://affidavit.eci.gov.in/ and the official websites of state assemblies respectively. While we make every effort to maintain the accuracy, comprehensiveness and timeliness of the information provided, we cannot guarantee the absolute accuracy or reliability of the content. The data presented here has been compiled without consideration of the objectives or opinions of individuals who may access it.