ആർ ബിന്ദു

രണ്ടാം പിണറായി സർക്കാരിലെ ഉന്നത വിദ്യാഭ്യാസ മന്ത്രിയായ ആർ ബിന്ദു
തൃശ്ശൂരിന്റെ പ്രഥമ മേയറായിരുന്നു. കന്നിയങ്കത്തിൽ ഇരിങ്ങാലക്കുട നിയോജകമണ്ഡലത്തിൽ നിന്നാണ് നിയമസഭയിലേക്ക്‌ തെരഞ്ഞെടുക്കപ്പെട്ടത്..ജനാധിപത്യ മഹിളാ അസോസിയേഷൻ കേന്ദ്ര എക്സിക്യൂട്ടിവ് കമ്മിറ്റി അംഗവും സിപിഎം തൃശൂർ ജില്ലാകമ്മിറ്റി അംഗമാണ്.


വിദ്യാർത്ഥി രാഷ്ട്രീയത്തിലൂടെയാണ് ബിന്ദു പൊതുരംഗത്തേക്ക് പ്രവേശിക്കുന്നത്. ഇരിങ്ങാലക്കുട ഗവ. ഗേൾസ് ഹൈസ്കൂൾ, ഇരിങ്ങാലക്കുട സെന്റ് ജോസഫ് കോളേജ്, കലിക്കറ്റ് സർവകലാശാല ഡിപ്പാർട്ട്മെന്റ് ഓഫ് ഇംഗ്ലീഷ്, ഡൽഹി ജവഹർലാൽ നെഹ്റു യൂണിവേഴ്സിറ്റി എന്നിവിടങ്ങളിലായിരുന്നു വിദ്യാഭ്യാസം.

ഇംഗ്ലീഷ് സാഹിത്യത്തിൽ ബരുദാനന്തര ബിരുദവും എംഫിലും പിഎച്ച്ഡിയും നേടിയിട്ടുണ്ട്. എസ്എഫ്ഐയുടെ സംസ്ഥാന വിദ്യാർഥിനി സബ് കമ്മിറ്റി കൺവീനർ,കലിക്കറ്റ് സർവകലാശാല സിൻഡിക്കറ്റംഗം, സർവകലാശാലാ സെനറ്റിലും അംഗമായും പ്രവർത്തിച്ചു. 2005–10ലാണ് തൃശൂർ കോർപറേഷനിൽ മേയറായത്. തൃശൂർ കേരളവർമ കോളേജ് ഇംഗ്ലീഷ് വിഭാഗം മേധാവിയും പ്രിൻസിപ്പൽ ഇൻ ചാർജുമായിരുന്നു.പദവിയിൽ നിന്ന് രാജിവെച്ച ശേഷമാണ് ഇരിങ്ങാലക്കുടയിൽ നിന്നും മത്സരിച്ചത്.

ൽ കെഎൻ രാധാകൃഷ്ണന്റേയും കെ ശാന്തകുമാരിയുടേയു മകളായാണ് ആർ ബിന്ദു ജനിച്ചത്. എൽഡിഎഫ് കൺവീനർ എ വിജയരാഘവന്റെ ഭാര്യയാണ്. മകൻ വി ഹരികൃഷ്ണൻ.