റാബ്രി ദേവി

ബീഹാറിൽ നിന്നുള്ള ഇന്ത്യൻ രാഷ്ട്രീയപ്രവർത്തകയാണ് റാബ്രി ദേവി. മൂന്ന് തവണ ബീഹാർ മുഖ്യമന്ത്രിയായി സേവനമനുഷ്ഠിച്ചിട്ടുള്ള അവർ രാഷ്ട്രീയ ജനത ദൾ എന്ന രാഷ്ട്രീയപാർട്ടിയിലെ അംഗമാണ്. അവർ ഒരു സാമ്പ്രദായിക വീട്ടമ്മയായിരുന്നു. രാഷ്ട്രീയത്തിൽ താല്പര്യവുമില്ലാതിരുന്ന റാബ്രി ദേവിയെ ബീഹാറിന്റെ മുഖ്യമന്ത്രി എന്ന നിലയിൽ കണ്ട ഇത്യൻ രാഷ്ട്രീയ ചരിത്രത്തിലെ ഓരോരുത്തർക്കും അത് വളരെ വലിയ അതിശയമായിരുന്നു. അതോടൊപ്പം തന്നെ റാബ്രി ദേവി ബീഹാറിലെ ആദ്യ വനിതാമുഖ്യമന്ത്രിയായിരുന്നു. ബീഹാറിലെ ഗോപാൽ ഗഞ്ജിൽ 1956-ൽ ജനിച്ച അവർ എട്ടാം ക്ലാസ് വരെ പഠിച്ചു. 1973-ൽ റാബ്രി ദേവി ലാലു പ്രസാദ് യാദവിനെ വിവാഹം ചെയ്തു. അവർക്ക് രണ്ട് ആണ്മക്കളും ഏഴ് പെണ്മക്കളുമുണ്ട്. ബീഹാറിന്റെ മുൻ മുഖ്യമന്ത്രിയും ഇന്ത്യയുടെ മുൻ റെയിൽ വേ മന്ത്രിയുമായ ലാലു പ്രസാദ് യാദവ് അവരുടെ ഭർത്താവ് എന്ന നിലയിൽ അവർ രാഷ്ട്രീയപശ്ചാത്തലമുണ്ട്.