സ്മൃതി സുബിൻ ഇറാനി

സ്മൃതി ഇറാനി തന്റെ സ്ക്കൂൾ വിദ്യാഭ്യാസം ദൽഹിയിലെ ഹോളി ചൈൽഡ് ഓക്സിലിയം സ്ക്കൂളിൽ നിന്നും സ്ക്കൂൾ ഓഫ് കറസ്പോണ്ടൻസിൽ നിന്നും ചെയ്ത് നിലവിൽ അവർ ദൽഹി സർവകലാശാലയിൽ പ്രവേശിച്ചു. ക്യാൻസർ പേഷ്യന്റ്സ് എയ്ഡ് അസോസിയേഷൻ, വാത്സല്യ സ്ട്രീറ്റ് കിഡ്സ് ഫൗണ്ടേഷൻ പോലെയുള്ള വിവിധ സന്നദ്ധ സംഘടനകളോടൊപ്പം അവർ പ്രവർത്തിക്കുന്നു. മോണ്ടി കാർലൊ ടെലിവിഷൻ ഫെസ്റ്റിവലിൽ രാജ്യത്തെ പ്രതിനിധീകരിച്ച ആദ്യത്തെ ഇന്ത്യക്കാരിയാണ് സ്മൃതി. അവർ 3 വർഷത്തേയ്ക്ക് WHO-ORS പ്രോഗ്രാമിനു വേണ്ടി USAID യാൽ ഗുഡ് വിൽ അംബാസഡർ ആയി നിയമിതയായി. തന്റെ സ്വന്തം സന്നദ്ധ സംഘടനയായ ‘പ്യൂപ്പിൾ ഫോർ ചെയ്ഞ്ച്’ 2007-ൽ സ്മൃതി ആരംഭിച്ചു. ‘പ്യൂപ്പിൾ ഫോർ ചെയ്ഞ്ച്’ നാസിക്കിൽ സ്പോർട്ട്സ് സ്കോളർഷിപ്പ് ഏർപ്പെടുത്തുകയും മഹാരാഷ്ട്രയിലെ 35-ലധികം ഗ്രാമങ്ങളിൽ കുഴൽ കിണർ സൗകര്യം നല്കി ഗ്രാമീണ ഇന്ത്യയിൽ കുടിവെള്ള പദ്ധതി ഏറ്റെടുക്കുകയും, 2007-ലെ മുംബൈ പ്രളയകാലത്ത്, 92.5. എഫ് എം റേഡിയോ സ്റ്റേഷനൊപ്പം സഹകരിച്ച് 10 ടണ്ണിലധികം ദുരിതാശ്വാസ സാധനങ്ങൾ ശേഖരിക്കുകയും വിതരണം ചെയ്യുകയും ചെയ്തു. കൂടാതെ, ആ സംഘടന സാമ്പത്തികമായി ദുർബലമായ ചുറ്റുപാടിലുള്ള കുട്ടികൾക്ക് ഉന്നത വിദ്യാഭ്യാസത്തിനുള്ള സ്കോളർഷിപ്പ് നല്കുകയും ‘വനിതകളും സമ്പത്തും’ എന്ന പേരിൽ വനിതകൾക്കായി സാമ്പത്തിക സാക്ഷരതാ പരിപാടികൾ നടത്തുകയും ചെയ്തു.

ഇന്ത്യൻ ടെലിവിഷൻ അക്കാദമിയുടെ മികച്ച അഭിനേത്രിയ്ക്കുള്ള അവാർഡ് തുടർച്ചയായ ഏഴ് വർഷങ്ങൾ നേടി. ഇൻഡോ - അമേരിക്കൻ സൊസൈറ്റി യംഗ് അച്ചീവർ അവാർഡ്. 2001, 2002, 2003, 2005 എന്നീ വർഷങ്ങളിൽ മികച്ച നാടക നടിയ്ക്കുള്ള ഐ ടി എ അവാർഡ് കരസ്ഥമാക്കി. 2004-ൽ മികച്ച നടിയ്ക്കുള്ള ഐ ടി എ അവാർഡ്. 2002-ലും 2003-ലും മികച്ച നടിയ്ക്കുള്ള ഇന്ത്യൻ ടെലി അവാർഡും 2003-ൽ മികച്ച ടി വി പേഴ്സണാലിറ്റിയും. 2010-ൽ ഐ ടി എ മൈൽ സ്റ്റോൺ അവാർഡ്. എല്ലാ ഐ ടി എ അവാർഡും ടെലി അവാർഡുകളും ‘ക്യോംകി സാസ് ഭി കഭി ബഹു ഥി’ എന്ന ടി വി പരമ്പരയിലെ മികച്ച പ്രകടനത്തിനായിട്ടാണ് അവർക്ക് ലഭിച്ചത്. കൂടാതെ ടി വി പരമ്പരയായ ‘വിരുദ്ധ്’ന് അവർ ഇന്ത്യൻ ടെലി അവാർഡിലെ മികച്ച നടിക്കുള്ള (ജൂറി) അവാർഡും കരസ്ഥമാക്കിയിട്ടുണ്ട്.