വിജയ് കുമാർ രാംനിക് ലാൽ രൂപാനി

വിജയ് രാംനിക് ലാൽ രൂപാനി ഭാരതീയ ജനതാ പാർട്ടിയിൽ നിന്നുള്ള ഒരു രാഷ്ട്രീയ പ്രവർത്തകനാണ്. 2016 ആഗസ്റ്റ് 7 മുതൽ അദ്ദേഹം ഗുജറാത്തിന്റെ മുഖ്യമന്ത്രിയും രാജ്കോട് വെസ്റ്റ് പ്രതിനിധീകരിക്കുന്ന ഗുജറാത്ത് ലെജിസ്ലേറ്റീവ് അസംബ്ലി അംഗവും ആയിരുന്നു. രൂപാനി ബർമ്മയിലെ റംഗൂണിലാണ് ജനിച്ചത്. 1960-ൽ അദ്ദേഹത്തിന്റെ കുടുംബം രാജ്കോട്ടിലേയ്ക്ക് മാറി. അദ്ദേഹം ധർമേന്ദ്രസിംഗ്ജി ആർട്ട്സ് കോളേജിൽ നിന്നും ആർട്ട്സിൽ തന്റെ ബിരുദവും സൗരാഷ്ട്ര സർവ്വകലാശാലയിൽ നിന്നും എൽ എൽ ബിയും പൂർത്തിയാക്കി. തന്റെ പഠനത്തിന്റെ അവസാന വർഷങ്ങളിൽ അദ്ദേഹം എ ബി വി പി.യിലും പിന്നീട് ആർ എസ് എസിലും ജനസംഘിലും ഒരേസമയം ചേർന്നു.2016 ആഗസ്റ്റിലായിരുന്നു മുഖ്യമന്ത്രി ഗുജറാത്ത് മുഖ്യമന്ത്രിയായിരുന്നു ആനന്ദി ബെൻ പട്ടേലിന്റെ പിൻഗാമിയായി വിജയ് രൂപാണിയെ ബിജെപി നിയമിച്ചത്. മുഖ്യമന്ത്രിയാകുന്നതിന് മുൻപ് അദ്ദേഹം ആനന്ദി ബെൻ പട്ടേൽ മന്ത്രിസഭയിൽ അംഗമായിരുന്നു. രാജ്കോട്ട് വെസ്റ്റ് മണ്ഡലത്തിൽ നിന്നാണ് വിജയ് രൂപാണി നിയമസഭയിലേയ്ക്ക് തിരഞ്ഞെടുക്കപ്പെട്ടത്.നേരത്തേ ബിജെപി സംസ്ഥാന അധ്യക്ഷനായും രൂപാണി പ്രവർത്തിച്ചിട്ടുണ്ട്.