യശോധര രാജെ സിന്ധ്യ

ലണ്ടനിൽ ജനിച്ച യശോധര രാജെ സിന്ധ്യ 1998-ൽ ഭാരതീയ ജനത പാർട്ടി അംഗമായി രാഷ്ട്രീയത്തിൽ പ്രവേശിച്ചു. അവർ ഗ്വാളിയോറിന്റെ മറാഠാ മഹാരാജയായ ജീവാജിറാവു സിന്ധ്യയുടെയും ഗ്വാളിയോറിന്റെ പരേതയായ രാജമാത വിജയരാജെ സിന്ധ്യയുടെയും പുത്രിയാണ്. അവർ തന്റെ വിദ്യാഭ്യാസം മുംബൈയിലെ ദ കത്തീഡ്രൽ ഏന്റ് ജോൺ കോന്നൻ സ്ക്കൂളിലും പിന്നീട് കൊഡൈക്കനാലിലെ പ്രസന്റേഷൻ കോൺ വെന്റിലും അവസാന രണ്ട് വർഷങ്ങൾ ഗ്വാളിയോറിലെ സിന്ധ്യ കന്യ വിദ്യാലയത്തിലും പൂർത്തിയാക്കി. 1977-ൽ, കാർഡിയോളജിസ്റ്റായ സിദ്ധാർത്ഥ് ബൻസാലിയുമായുള്ള വിവാഹത്തിനു ശേഷം യു എസ് എ യിലെ ന്യൂ ഓർലിയൻസിലേയ്ക്ക് താമസം മാറി. ദമ്പതികൾക്ക് അക്ഷയ്, അഭിഷേക്, തൃഷാല എന്നിങ്ങനെ 3 മക്കളുണ്ട്. 1994-ൽ അവർ ഇന്ത്യയിലേയ്ക്ക് തിരികെ വരുകയും 1998-ലെ മധ്യപ്രദേശ് സംസ്ഥാന അസംബ്ലി തിരഞ്ഞെടുപ്പിൽ ബി ജെ പി അംഗമായി മത്സരിച്ചുകൊണ്ട് രാഷ്ട്രീയത്തിലേയ്ക്ക് ഔദ്യോഗികമായി പ്രവേശിയ്ക്കുകയും ചെയ്തു.