ജി സുധാകരൻ

കേരളത്തിലെ ശക്തനായ സിപിഎം നേതാവും പിണറായി വിജയന്‍ മന്ത്രിസഭയിലെ പൊതുമരാമത്ത്, രജിസ്ട്രേഷൻ വകുപ്പുകളുടെ ചുമതലയുള്ള മന്ത്രിയുമാണ് ജി. സുധാകരൻ. വി.എസ്. അച്യുതാനന്ദൻ മന്ത്രിസഭയിൽ (2006-2011) ദേവസ്വം വകുപ്പും സഹകരണവകുപ്പും ജി സുധാകരന്‍ കൈകാര്യം ചെയ്തിട്ടുണ്ട്. വിദ്യാര്‍ത്ഥി പ്രക്ഷോഭങ്ങളിലും കശുവണ്ടിത്തൊഴിലാളി സമരങ്ങൾ, എന്‍ജിഒ, അധ്യാപക സമരങ്ങളില്‍ പലതും മുന്‍പില്‍ നിന്നുനയിച്ചിട്ടുണ്ട് ജി സുധാകരന്‍ , അടിയന്തരാവസ്ഥക്കാലത്ത് ഇദ്ദേഹം ഡിഫൻസ് ഇന്ത്യ റൂൾ പ്രകാരം തിരുവനന്തപുരം സെൻട്രൽ ജയിലിൽ തടവില്‍ കഴിഞ്ഞിട്ടുണ്ട്.

വിദ്യാര്‍ത്ഥിയായിരുന്ന കാലത്തു തന്നെ സജീവ രാഷ്ട്രീയപ്രവര്‍ത്തനം നടത്തിയിരുന്ന സുധാകരന്‍ എസ്എഫ്ഐയുടെ ആദ്യ സംസ്ഥാന പ്രസിഡന്‍റ് ആയിരുന്നു. 1971 ല്‍ ആയിരുന്നു ഇത്. എസ്എഫ്ഐ ഓള്‍ ഇന്ത്യ വൈസ് പ്രസിഡന്റ് , കേരള സ്റ്റുഡന്‍റ്സ് ഫെഡറേഷന്റെ സംസ്ഥാന ജോയന്റ് സെക്രട്ടറി, എസ്എഫ്ഐയുടെ ആദ്യകാല കേന്ദ്ര എക്സിക്യുട്ടീവ് സമിതി അംഗം, ട്രേഡ് യൂണിയൻ നേതാവ്, സി.പി.എം. സംസ്ഥാന കമ്മിറ്റി അംഗം. സംസ്ഥാന സെക്രട്ടറിയേറ്റ് അംഗം, സിഐടിയു . ആലപ്പുഴ ജില്ലാ പ്രസിഡന്റ്, കർഷകത്തൊഴിലാളി യൂണിയൻ ജില്ലാ സെക്രട്ടറി, സംസ്ഥാന ട്രഷറർ, പ്രസിഡന്റ് തുടങ്ങി നിരവധി ചുമതലകള്‍ വഹിച്ചിട്ടുണ്ട്. 1984 മുതൽ 1995 വരെ കേരള സർവകലാശാലയുടെ സിൻഡിക്കേറ്റ് അംഗമായിരുന്നു.
1996, 2006 and 2011, 2016 വര്‍ഷങ്ങളില്‍ നിയമസഭയിലേക്ക് തിരഞ്ഞെടുക്കപ്പെട്ടിട്ടുണ്ട്. പത്ത് വര്‍ഷമായി അമ്പലപ്പുഴ എംഎല്‍എ ആണ്.

1950 നവംബര്‍ 1 ന് ആലപ്പുഴ താമരക്കുളം നല്ലവീട്ടിൽ പി. ഗോപാലക്കുറുപ്പിന്റേയും എൽ. പങ്കജാക്ഷിയുടേയും മകനായാണ് ജനിച്ചത്. ഭാര്യ ഭാര്യ ഡോ.ജൂബിലി നവപ്രഭ ആലപ്പുഴ എസ്‌.ഡി.കോളജ്‌ അദ്ധ്യാപികയായിരുന്നു. മകൻ നവനീത്‌.