Click it and Unblock the Notifications
Just In
Don't Miss
-
T20 World Cup 2024: മൂന്നാമനായി കോലി വേണ്ട! പകരം റിഷഭ് കളിക്കട്ടെ. കാരണം പറഞ്ഞ് മുന്‍ പേസര് -
എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ -
മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ബീഹാറില്‍ ബിജെപിക്ക് വന്‍ തിരിച്ചടി... സീറ്റ് വിഭജനത്തില്‍ പ്രതിഷേധിച്ച് മുന്‍ എംപി പാര്‍ട്ടി വിട്ടു
Recommended Video
പട്‌ന: ബീഹാറില്‍ ബിജെപിക്ക് വന്‍ തിരിച്ചടി. മുന്‍ എംപി സീറ്റ് വിഭജനത്തില്‍ പ്രതിഷേധിച്ച് പാര്‍ട്ടി വിട്ടു. പൂര്‍ണിയയില്‍ നിന്ന് രണ്ട് തവണ എംപിയായ ഉദയ് സിംഗാണ് പാര്‍ട്ടി വിട്ടത്. സീറ്റ് വിഭജനത്തോടെ ബിജെപി നേതൃത്വം നിതീഷ് കുമാറിന് മുന്നില്‍ പൂര്‍ണമായും കീഴടങ്ങിയെന്ന് ഉദയ് സിംഗ് കുറ്റപ്പെടുത്തി. അതേസമയം പാര്‍ട്ടിയുടെ എല്ലാ തീരുമാനങ്ങളെയും സ്വാധീനിക്കുന്നത് നിതീഷ് കുമാറാണെന്ന ആരോപണവും ഉദയ് സിംഗ് ഉന്നയിക്കുന്നുണ്ട്. എന്നാല്‍ പ്രതിപക്ഷ നിരയിലേക്ക് താന്‍ പോകുമെന്ന സൂചനയാണ് അദ്ദേഹം നല്‍കുന്നത്. രാഹുല്‍ ഗാന്ധിയാണ് ഇനി തന്റെ നേതാവെന്നും അദ്ദേഹം പറഞ്ഞു.
രാഹുല്‍ ഗാന്ധിയുടെ പ്രതിച്ഛായ പ്രധാനമന്ത്രി നരേന്ദ്ര മോദിയേക്കാള്‍ വര്‍ധിച്ച് വരികയാണ്. മുമ്പ് താന്‍ മോദിയെ പിന്തുണച്ചിരുന്നു. എന്നാല്‍ യാഥാര്‍ത്ഥ്യം മനസ്സിലാക്കി താന്‍ ആ പിന്തുണ പിന്‍വലിച്ചെന്നും ഉദയ് സിംഗ് പറഞ്ഞു. കോണ്‍ഗ്രസ് മുക്ത ഭാരതമെന്ന ബിജെപിയുടെ ആശയത്തെ താന്‍ പലവട്ടം എതിര്‍ത്തിരുന്നു. പ്രതിപക്ഷമില്ലാതെ ജനാധിപത്യം നിലനില്‍ക്കില്ല. ഏകാധിപത്യത്തിലേക്ക് മാത്രമാണ് അത് നയിക്കുകയെന്നും അദ്ദേഹം കുറ്റപ്പെടുത്തി. 2014ല്‍ മോദി തരംഗം ശക്തമായിരുന്നപ്പോള്‍ പോലും ഉദയ് സിംഗിന് ജയം നേടാന്‍ സാധിച്ചിരുന്നില്ല. ജെഡിയു സ്ഥാനാര്‍ത്ഥി സന്തോഷ് കുശ്വാഹയോട് ഒരു ലക്ഷത്തിലധികം വോട്ടിന്റെ ഭൂരിപക്ഷത്തിനാണ് ഉദയ് സിംഗ് തോറ്റത്. അതേസമയം ഉദയ് പ്രതിപക്ഷ നിരയില്‍ എത്തുമോ എന്ന കാര്യത്തില്‍ ഇപ്പോഴും അവ്യക്തത ഉണ്ട്. സീറ്റ് വിഭജനം അവിടെയും പൂര്‍ത്തിയായതാണ്. പാര്‍ട്ടി പ്രവര്‍ത്തകര്‍ ദേശീയ നേതൃത്വത്തിന്റെ പ്രവര്‍ത്തന ശൈലിയില്‍ കടുത്ത അതൃപ്തിയിലാണെന്നും ഉദയ് സിംഗ് വെളിപ്പെടുത്തി.
