മോദിക്ക് പിന്നാലെ സുഷമ സ്വരാജിനെയും കാണാനില്ല...! മന്ത്രിയെ അന്വേഷിച്ച് നാട്ടുകാർ...
വിദിഷ: വിദേശകാര്യ മന്ത്രിയെന്ന നിലയ്ക്ക് പേര്കേട്ട വ്യക്തിത്വമാണ് സുഷമ സ്വരാജിന്റേത്. പക്ഷേ വോട്ട് തന്ന് ജയിപ്പിച്ച് വിട്ട ജനങ്ങളെ മറക്കുന്നത് അത്ര സുഖമുള്ള ഏര്പ്പാടല്ല. സുഷമ സ്വരാജിന്റെ മണ്ഡലമായ മധ്യപ്രദേശിലെ വിദിഷയിലെ ജനങ്ങളും അത് തന്നെയാണ് പറയുന്നത്. സുഷമ സ്വരാജിനെ കാണാനില്ല എന്ന പോസ്റ്ററുകള് മണ്ഡലത്തിലുടനീളം പതിച്ചിരിക്കുകയാണ് നാട്ടുകാര്. ജനപ്രതിനിധിയുടെ ചിത്രത്തിനൊപ്പം മണ്ഡലത്തിലെ പ്രശ്നങ്ങളും ഈ പോസ്റ്ററില് അക്കമിട്ട് പറഞ്ഞിട്ടുണ്ട്.
അന്ന് കാവ്യയ്ക്കെതിരെ.. ഇന്ന് ദിലീപിന് രക്ഷകന്..? ജനപ്രിയന്റെ വിധിയറിയാന് മണിക്കൂറുകള് മാത്രം...
ചിന്നമ്മ ചില്ലറക്കാരിയല്ല... ജയിലിന് പുറത്തിറങ്ങിയത് ഷോപ്പിംഗിന് മാത്രമല്ല.. എന്തിനെന്നറിഞ്ഞാൽ...!
വിദിഷയിലെ കര്ഷകര് മരിച്ച് കൊണ്ടിരിക്കുന്നു, വ്യാപാരികള് ദുരിതത്തിലാണ്, യുവാക്കള്ക്ക് ജോലിയില്ല, ജനങ്ങള് അസംതൃപ്തരാണ് എന്നിങ്ങനെയുള്ള വാചകങ്ങളാണ് പോസ്റററിലുള്ളത്. കാണാതായ എംപിയെക്കുറിച്ച് എന്തെങ്കിലും വിവരം ലഭിക്കുകയാണെങ്കില് ആനന്ദ് പ്രതാപ് സിംഗിനെ ബന്ധപ്പെടണമെന്നും നോട്ടീസിന് താഴെ കുറിച്ചിരിക്കുന്നു. ആരെങ്കിലും സുഷമ സ്വരാജിനെ കാണുകയാണ് എങ്കില് എംപിയുടെ തുടര്ച്ചയായ അസാന്നിധ്യം കാരണം ജനങ്ങള്ഡ വഞ്ചിക്കപ്പെട്ടുവെന്നും പറയുന്നു ഈ പോസ്റ്ററുകള്. സുഷമ സ്വരാജിനെ കാണാനില്ലെന്ന ഈ പോസ്റ്ററുകളാകട്ടെ സോഷ്യല് മീഡിയയില് വൈറലാണ്. നേരത്തെ നരേന്ദ്ര മോദിയുടെ മണ്ഡലത്തിലും ഇത്തരം കാണാനില്ല പോസ്റ്ററുകൾ പ്രത്യക്ഷപ്പെട്ടിരുന്നു