മുഹമ്മദ് നബിയെ അവഹേളിച്ചു; ഹൈദരാബാദില് വന് പ്രതിഷേധം, ബിജെപി എംഎല്എ അറസ്റ്റില്
ഹൈദരാബാദ്: മുഹമ്മദ് നബിയെ അവഹേളിച്ച് വീഡിയോ പുറത്തിറക്കിയ ബിജെപി എംഎല്എ അറസ്റ്റില്. എംഎല്എയെ അറസ്റ്റ് ചെയ്യണമെന്നാവശ്യപ്പെട്ട് ഹൈദരാബാദില് വന് പ്രതിഷേധം നടന്ന പിന്നാലെയാണ് പോലീസ് നടപടി. തെലങ്കാനയിലെ ബിജെപി എംഎല്എ രാജ സിങ് ആണ് അറസ്റ്റിലായത്. ആയിരത്തോളം പേര് തിങ്കളാഴ്ച രാത്രി ഹൈദരാബാദില് പ്രതിഷേധിച്ചിരുന്നു. സിറ്റി പോലീസ് കമ്മീഷണറുടെ ഓഫീസിന് മുമ്പില് നടന്ന പ്രതിഷേധത്തെ തുടര്ന്ന് ചൊവ്വാഴ്ച പുലര്ച്ചെ എംഎല്എക്കെതിരെ കേസെടുത്തു.
മുസ്ലിം സമുദായത്തെ ബിജെപി എംഎല്എ വേദനിപ്പിച്ചുവെന്ന് പ്രതിഷേധക്കാര് കുറ്റപ്പെടുത്തി. എംഎല്എയെ ഉടന് അറസ്റ്റ് ചെയ്യണമെന്നും അവര് ആവശ്യപ്പെട്ടു. നൂറോളം പ്രതിഷേധക്കാരെ പോലീസ് അറസ്റ്റ് ചെയ്തുനീക്കി. ഹാസ്യാവതാരകന് മുനവ്വര് ഫാറൂഖിയുടെ ഹൈദരാബാദിലെ സ്റ്റേജ് ഷോക്കെതിരെ രാജാ സിങ് രംഗത്തുവന്നിരുന്നു. ഹിന്ദുക്കളുടെ വികാരം വ്രണപ്പെടുത്തിയെന്ന് ആരോപിച്ചാണ് എംഎല്എ ഭീഷണി മുഴക്കിയത്.
ഹൈദരാബാദില് ഫാറൂഖിയുടെ പരിപാടി നടക്കുന്ന സ്റ്റേജ് കത്തിക്കുമെന്നും അദ്ദേഹം പറഞ്ഞു. തുടര്ന്ന് പോലീസ് രാജ സിങിനെ വീട്ടുതടങ്കലിലാക്കുകയായിരുന്നു. ഫാറൂഖിയുടെ സ്റ്റേജ് ഷോ നടന്ന പിന്നാലെയാണ് രാജ സിങ് ഒരു പരിഹാസ്യ വീഡിയോ ഇറക്കിയത്. ഇതില് ഫാറൂഖിയെയും അദ്ദേഹത്തിന്റെ മാതാവിനെയും കളിയാക്കിയതിന് പുറമെ, പ്രവചാകനെ അവഹേളിച്ചുള്ള ഭാഗങ്ങളുമുണ്ടെന്ന് ആരോപിച്ചായിരുന്നു പ്രതിഷേധം.
ഹിന്ദു ദൈവങ്ങളെ അപമാനിച്ച വ്യക്തിക്കെതിരേ കേസില്ല. പിന്നെ എന്തിനാണ് എനിക്കെതിരെ കേസെടുത്തതെന്ന് രാജ സിങ് ചോദിച്ചു. പ്രധാനമന്ത്രിക്ക് പോലും ലഭിക്കാത്ത സുരക്ഷയാണ് ഹിന്ദു ദൈവങ്ങളെ അപമാനിച്ച വ്യക്തിക്ക് കിട്ടുന്നത്. ഇത് എന്ത് സന്ദേശമാണ് ജനങ്ങള്ക്ക് നല്കുന്നത്. രാമനെയും സീതയെയും ആരാധിക്കുന്നവര്ക്ക് മൂല്യമില്ലേ എന്നും രാജ സിങ് ചോദിച്ചു.
രാജ സിങിന് പുറമെ ബിജെപി നേതാവായ എന്വി സുബാഷിനെയും ഹൈദരാബാദ് പോലീസ് അറസ്റ്റ് ചെയ്തിട്ടുണ്ട്. ഇതില് പ്രതിഷേധിച്ച് ബിജെപി തെലങ്കാനയില് വ്യാപക സമരത്തിന് ആഹ്വാനം ചെയ്തു. ജന്ഗാവ് ജില്ലയില് പ്രതിഷേധത്തിന് എത്തിയ ബിജെപി സംസ്ഥാന അധ്യക്ഷന് ബണ്ടി സഞ്ജയ് കുമാറിനെ പോലീസ് കസ്റ്റഡിയിലെടുത്തു.
കഴിഞ്ഞ ദിവസം കേന്ദ്ര ആഭ്യന്തര മന്ത്രി അമിത് ഷാ തെലങ്കാനയിലെത്തി ബിജെപി നേതാക്കളുമായി ചര്ച്ച നടത്തിയിരുന്നു. തിരഞ്ഞെടുപ്പ് അടുത്തുവരുന്ന സാഹചര്യത്തിലായിരുന്നു അമിത് ഷായുടെ സന്ദര്ശനം. പാര്ട്ടിയുടെ പ്രവര്ത്തനം ശക്തമാക്കാനും അദ്ദേഹം ആഹ്വാനം ചെയ്തിരുന്നു.
BJP MLA #RajaSingh was booked under sec 153a, 295, 505 IPC for making derogatory comments against Prophet. Protests were held against the lawmakers demanding his arrest. Singh had threatened to disrupt the show of comic #MunawarFaruqi for hurting Hindu sentiment.#Hyderabad pic.twitter.com/BdiMukSjFh
— Ashish (@KP_Aashish) August 23, 2022
-
ബി ഗോപാലകൃഷ്ണന് കുരുങ്ങുമോ? വീഡിയോ പരിശോധിച്ച് തിരഞ്ഞെടുപ്പ് കമ്മീഷന്, പുതിയ വിവരം -
ത്രികോണപ്പോര് മുറുകി തലസ്ഥാന ജില്ല, മൂന്ന് ഹോട്ട്സ്പോട്ടുകൾ -
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ -
സാങ്കേതിക പിഴവ്; ബിജെപി സീലിൽ വിശദീകരണവുമായി തിരഞ്ഞെടുപ്പ് കമ്മീഷൻ -
‘ചാഞ്ചാട്ട’ മണ്ഡലങ്ങൾ പത്ത്- എൽഡിഎഫിന് ഏഴ്, യുഡിഎഫിന് മൂന്ന്, അഞ്ചിടത്ത് രണ്ടാമതെത്തിയത് എൻഡിഎ -
വി.എം. സുധീരനെ അപരൻ ‘തോൽപ്പിച്ചപ്പോൾ...’ -
ശരത് കുമാര് വീണ്ടും വാര്ത്തകളില്; ബിജെപി വിടുമെന്ന് പ്രചാരണം, സുപ്രധാന യോഗം വിളിച്ച് നടന് -
നാളെ ആരെന്നുമെന്തെന്നും ആർക്കറിയാം! മുന്നണിയിൽ ആളെ കൂട്ടാൻ പിന്നണിയിൽ നീക്കങ്ങൾ... -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല
Click it and Unblock the Notifications
Sign in with Google