ദുബായ്: അമ്മയുടെ പീഡനം 14കാരിയെ രക്ഷിച്ചത് പോലീസ്
ദുബായ്: അമ്മ നിരന്തരം പീഡിപ്പിച്ചിരുന്ന 14കാരിയെ ദുബായ് പോലീസ് രക്ഷിച്ചു. പെണ്കുട്ടി ഗാര്ഹിക പീഡനത്തിനിരയാകുന്നുവെന്ന് വിവരം ലഭിച്ചതിനെ തുടര്ന്ന് അല്ഖ്വയ്സ് പോലീസിലെ ഹാപ്പിനെസ് വിഭാഗമാണ് പോലീസ് പ്രശ്നത്തില് ഇടപെട്ട് പെണ്കുട്ടിയെ രക്ഷിച്ചത്.
അമ്മ നിരന്തരം മാനസികമായും ശാരീരികമായും തന്നെ പീഡിപ്പിക്കുകയാണെന്ന് കാണിച്ച് പെണ്കുട്ടിയാണ് പോലീസിനെ വിവരമറിയിച്ചത്. തുടര്ന്ന് ഫോറന്സിക് വകുപ്പിന്റെ സഹായത്തോടെ രക്ഷിച്ച കുട്ടിയുടെ ശരീരത്തില് മര്ദ്ദിച്ചതിന്റെ മുറിപ്പാടുകളും ചതവുകളും കണ്ടെത്തിയതായി പോലീസ് വ്യക്തമാക്കുന്നു.
മകള് തനിക്ക് ഭാരമാണെന്ന് പോലീസിനോട് വ്യക്തമാക്കിയ അമ്മ മകള്ക്കൊപ്പം ഒരേ വീട്ടില് താമസിക്കാന് താല്പ്പര്യമില്ലെന്നും കൂട്ടിച്ചേര്ത്തു. ഒരാണ്കുട്ടി ഉള്പ്പെടെ രണ്ട് മക്കളുള്ള വീട്ടില് ആണ്കുട്ടിക്ക് മാത്രം മികച്ച ഭക്ഷണവും പരിചരണവും നല്കി വരുന്ന അമ്മ മകളെ വര്ഷങ്ങളായി നിരന്തരം പീഡിപ്പിക്കുകയാണെന്ന് അന്വേഷണത്തില് കണ്ടെത്തുകയായിരുന്നു. സംഭവത്തോടെ പെണ്കുട്ടിയെ ദുബൈ ഫൗണ്ടേഷന് ഫോര് വുമണ് ആന്ഡ് ചില്ഡ്രണ് കീഴിലേക്ക് മാറ്റിപ്പാര്പ്പിച്ചിട്ടുണ്ട്.