Click it and Unblock the Notifications
Just In
Don't Miss
-
T20 World Cup 2024: മൂന്നാമനായി കോലി വേണ്ട! പകരം റിഷഭ് കളിക്കട്ടെ. കാരണം പറഞ്ഞ് മുന് പേസര് -
എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ -
മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കണ്ണൂരിലെ യൂത്ത് കോണ്‍ഗ്രസ് നേതാവിന്റെ കൊലപാതകം; യഥാര്‍ഥ കാരണം ഇതാണ്
കണ്ണൂര്‍: മട്ടന്നൂരിനടുത്ത് യൂത്ത് കോണ്‍ഗ്രസ് നേതാവ് ഷുഹൈബിന്റെ കൊലപാതകവുമായി ബന്ധപ്പെട്ട കുടുതല്‍ വിവരങ്ങള്‍ പുറത്തുവന്നു. എടയന്നൂര്‍ ഹൈസ്‌കൂളില്‍ നടന്ന കെഎസ് യു എസ്എഫ്‌ഐ സംഘട്ടനം തന്നെയാണ് കൊലപാതകത്തിന്റെ മുഖ്യ കാരണമെങ്കിലും ഷുഹൈബിനോട് മറ്റു വൈരാഗ്യങ്ങളും ഉണ്ടായിരുന്നതായാണ് റിപ്പോര്‍ട്ട്.
സാധാരണ രീതിയില്‍ സ്‌കൂളില്‍ നടക്കുന്ന സംഘട്ടനങ്ങളില്‍ പുറമെയുള്ള രാഷ്ട്രീയ പാര്‍ട്ടികള്‍ കായികമായി ഇടപെടാറില്ല. എന്നാല്‍, എടയന്നൂരില്‍ ഷുഹൈബിന്റെ നേതൃത്വത്തിലുള്ള സംഘം എസ്എഫ്‌ഐ പ്രവര്‍ത്തകരെ മര്‍ദ്ദിച്ചതായാണ് പ്രദേശവാസികള്‍ പറയുന്നത്. ഈ സംഭവത്തില്‍ ഇയാളെ പോലീസ് അറസ്റ്റ് ചെയ്യുകയും റിമാന്‍ഡില്‍ വെക്കുകയും ചെയ്തിരുന്നു.
പാര്‍ട്ടി ഗ്രാമങ്ങളിലൊന്നായ എടയന്നൂരില്‍ കോണ്‍ഗ്രസ് പ്രവര്‍ത്തകര്‍ അപൂര്‍വമാണ്. ഉള്ളവര്‍തന്നെ കാര്യമായ പ്രവര്‍ത്തനങ്ങളും നടത്താറില്ല. സിപിഎം പ്രവര്‍ത്തകരുമായി അടുത്ത ബന്ധം പുലര്‍ത്തുന്നവരുമാണ് ഇവര്‍. എന്നാല്‍, ഷുഹൈബിന്റെ നേതൃത്വത്തില്‍ കോണ്‍ഗ്രസ് പ്രവര്‍ത്തനം പ്രദേശത്ത് ശക്തമാകുന്നതിനെതിരെ സിപിഎം താക്കീത് ചെയ്തിരുന്നതായാണ് വിവരം.
ഇത് ഷുഹൈബ് തള്ളിക്കളയുകയും ജില്ലയിലെ മുതിര്‍ന്ന നേതാക്കളുടെ സംരക്ഷണം ലഭിക്കുമെന്ന് അവകാശപ്പെട്ട് പ്രവര്‍ത്തനം സജീവമാക്കുകയും ചെയ്തു. ഇതിനിടയിലാണ് സ്‌കൂളില്‍ കയറി അക്രമം നടത്തുന്നത്. ഷുഹൈബിനെ നേരത്തെ താക്കീത് ചെയ്തവര്‍ ഇത് ഒരു അവസരമാക്കുകയായിരുന്നു.
യൂത്ത് കോണ്‍ഗ്രസ് നേതാവിനെ ക്രൂരമായി ആക്രമിച്ച് കൊലപ്പെടുത്തുകയായിരുന്നു പ്രതികളുടെ ലക്ഷ്യം. വെട്ടേറ്റ് ഗുരുതരമായി രക്തം വാര്‍ന്നാണ് ഷുഹൈബ് മരിക്കുന്നത്. സിപിഎം പ്രവര്‍ത്തകര്‍ തന്നെയാകാം കൊലപാതകത്തിന് പിന്നിലെന്ന് പ്രദേശവാസികള്‍ പറയുന്നു. രാഷ്ട്രീയ അക്രമങ്ങളില്ലാത്ത ഗ്രാമത്തില്‍ കൊലപാതകം നടന്നത് സാധാരണക്കാരെ ഭീതിയിലാഴ്ത്തിയിട്ടുണ്ട്. പോലീസ് എത്രയും പെട്ടെന്ന് മുഴുവന്‍ പ്രതികളെയും പിടികൂടുമെന്ന പ്രതീക്ഷയിലാണ് ഗ്രാമവാസികള്‍.
